Kóktemgi dala jumystaryn qarjylandyrý aiaqtaldy. Bul týraly Úkimet otyrysynda Aýyl sharýashylyǵy ministri Saparhan Omarov aitty, dep habarlaidy QazAqparat.
«Kóktemgi dala jumystaryn qarjylandyrý aiaqtaldy. Qarjylandyrýdyń jalpy somasy shamamen 128 mlrd teńgeni qurady, onyń ishinde: Agrarlyq nesie korporatsiiasy jelisi boiynsha biýdjettik kredit esebinen «Keń dala» baǵdarlamasy boiynsha 70 mlrd teńge, Ulttyq bank qarajaty esebinen «Qarapaiym zattar ekonomikasy» baǵdarlamasy boiynsha
6 mlrd teńge, Agrobiznes baǵdarlamasy boiynsha 4,6 mlrd teńge, Qarjylai qoldaý qorynan 854 mln teńge berildi», - dedi Omarov.
Budan basqa, Azyq-túlik korporatsiiasynyń satyp alý somasy 47 mlrd teńgeni qurady. Bidai, arpa, kúnbaǵys, raps, zyǵyr, qaraqumyq, suly jáne soia siiaqty ónimderge 743 myń tonna kóleminde forvardtyq kelisimsharttar jasaldy.
«Bul áleýmettik mańyzy bar taýarlardy óndirý úshin qajetti shikizattyń, sondai-aq mal sharýashylyǵy men qus sharýashylyǵy qojalyqtary úshin jemshóp qorynyń bolýyna múmkindik beredi», - dedi ministr.
