«QazAvtoJol «UK» AQ aqparaty boiynsha kún raiynyń nasharlaýyna bailanysty (kóktaiǵaq, burqasyn, shekteýli kóriný) bes óńirde jol jabyldy, dep habarlaidy QazAqparat.
Bul týraly QR Tótenshe jaǵdailar ministrliginiń resmi ókili Talǵat Ýálige málim etti.
«Aqmola, Qaraǵandy, Qostanai, Pavlodar, Batys Qazaqstan oblystaryndaǵy respýblikalyq jáne oblystyq mańyzy bar tas joldarda qozǵalys jabyldy. «Qazgidromet» RMK málimetinshe, óńirlerde burqasyn, qar, kóktaiǵaq bolyp, jeldiń jyldamdyǵy sekýndyna 15-20 metrge jetedi. Azamattardy kún raiynyń ózgerýin baqylayp, eskertý habarlamalaryn nazarǵa alýǵa jáne qajetti saqtyq sharalaryn saqtaýǵa shaqyramyz. Qysta eldi mekender arasyndaǵy avtomobil joldaryna shyǵýdy josparlamas buryn mindetti túrde aýa raiy boljamyn bilip alǵan jón», - delingen habarlamada.
