«Qarataý - 2017» oqý-jattyǵýynyń kezekti kezeńi ótýde, dep habarlaidy QR Qorǵanys ministrliginiń baspasóz qyzmeti.
Jaraqtandyrýynda brondy tankti tehnikasy men artilleriialyq júieleri bar desanttyq-shabýyldaý áskerleriniń bólimsheleri qarsylastyq tanytqan «sodyrlardy» oqshaýlaý men joiý úshin daǵdarys aýdanyna bet aldy.
«Qarataý - 2017» jedel-strategiialyq oqý-jattyǵýy óziniń belsendi fazasyna endi. «Kóktal» poligonynda barlaý, desanttyq-shabýyldaý, materialdyq-tehnikalyq qamtamasyz etýdiń artilleriialyq bólimderi men bólimshelerin qamtityn desanttyq-shabýyldaý áskerleriniń kúshteri men quraldary shoǵyrlandy. Oqý-jattyǵýdyń nieti boiynsha komandirlerge zańsyz qarýly quralymdardy tabý, oqshaýlaý men joiýǵa baǵyttalǵan oqý-jaýyngerlik tapsyrmalar berildi.
Daǵdarys aýdanynda aqparattyq qarsy kúres bólimsheleri ondaǵy shartty qarsylasty úkimet tarapyna kóshýge úgit-nasihattaý jóninde jumys júrgizýde. Jumys armiialyq aviatsiiany paidalana otyryp, paraqshalardy laqtyrý ádisimen júzege asyrylady. 10 myńnan asa paraqsha 30 sharshy metr aýmaqta taratyldy.
Operatsiia beitanys jáne kúrdeli jaǵdailarda ótýde. Áskeri qyzmetshiler jaýyngerlik jáne arnaiy tehnikada shóleit jáne taýly jerlerdi eńserip, ańǵar arqyly ótpeden ótip, shartty qarsylasty oqshaýlaýǵa múmkindik beretin bekinisterge jaiǵasty.
Búginde Desanttyq-shabýyldaý áskerleri beitanys jerler men jaǵdailarda ártúrli sipattaǵy olarǵa júktelgen tapsyrmalardy tiimdi sheshýge múmkindik beretin qarý-jaraq pen áskeri tehnikanyń zamanaýi úlgilerimen jabdyqtalǵan, - dep Desanttyq-shabýyldaý áskerleriniń qolbasshysy general-maior Almaz Jumakeev atap ótti.
