Shoqan Ýálihanov atyndaǵy Kókshetaý ýniversiteti «S.M.Kirov atyndaǵy zaýyt» aktsionerlik qoǵamymen birlesip, áleýmettik jaǵynan osal toptaǵy stýdentterge qoldaý kórsetý maqsatynda noýtbýkter tapsyrdy, dep habarlaidy "Ult aqparat".
Búgingi tańda atalmysh bilim ordasynda ata-anasynyń qamqorlyǵynsyz qalǵan 6 jetim stýdent bilim alýda. Ýniversitet rektory Marat Syrlybaevtyń bastamasy boiynsha jetim stýdentterge qoldaý kórsetý maqsatynda «S.M.Kirov atyndaǵy zaýyt» aktsionerlik qoǵamy demeýshilik kómek kórsetip otyr. Qazirgi kezde kompaniia jańa úlgidegi kompiýter tehnikasy siiaqty otandyq ónimderdi shyǵarady. Zaýyttyń tarihy Ekinshi dúniejúzilik soǵystan bastaý alady. Soǵys jyldarynda zaýyt ujymy maidandy jaýyngerler arasynda úlken suranysqa ie bolǵan radioqabyldaǵyshtarmen jáne radiopelengatorlarmen qamtamasyz etti. Soǵystan keiin zaýyt halyq sharýashylyǵy men halyqtyń qajettilikteri úshin radioqabyldaǵyshtar shyǵarýǵa kóshti. Búgingi tańda atalmysh zaýyt «Qazaqstan injiniring» ulttyq kompaniiasy» aktsionerlik qoǵamynyń quramyndaǵy memlekettik iri kásiporyn. Zaýyttyń shyǵarylatyn ónim spektri ár túrli.
«Bizdiń kásiporynnyń ZIK Computers markaly kompiýterlik tehnikany shyǵara bastaǵanyna eki jyl boldy. Osy aralyqta 55 myńǵa jýyq tehnika qurastyryldy. Onyń 2000 danasyn tehnikalyq baiqaý men testen ótkizilgennen soń Soltústik Qazaqstan oblysynyń aýdandary men qalalaryna jiberdik. Jaqynda Shoqan Ýálihanov atyndaǵy Kókshetaý ýniversiteti basshylyǵy tarapynan bizge áleýmettik jaǵynan osal toptaǵy stýdentterge qoldaý kórsetý týraly usynys tústi. Biz ony birden qoldadyq», - dep atap ótti «S.M.Kirov atyndaǵy zaýyt» aktsionerlik qoǵamy bas direktorynyń kommertsiialyq máseleleri boiynsha orynbasary Qairat Álibekov.
Elimizdegi irgeli kásiporyn basshylyǵyna ýniversitet ujymy men stýdentteri atynan alǵysyn aitqan ýniversitettiń áleýmettik – mádeni damý boiynsha prorektory, Ádep jónindegi ýákil, qoǵam qairatkeri Ǵalym Baityq mundai igi isterdiń odan ári jalǵasyn taba beretinin atap ótti.
«Bizdiń usynysymyzǵa qulaq asyp, qoldaý bildirip otyrǵan «S.M.Kirov atyndaǵy zaýyt» aktsionerlik qoǵamynyń basshylyǵyna ýniversitet rektory atynan shynai rizashylyǵymyzdy bildiremin. Búgingi kúni pandemiia kezinde qashyqtan bilim alyp jatqan stýdentter úshin noýtbýk óte qajet. Bul bizdiń stýdentter úshin úlken kómek. Osyndai qoldaý aldaǵy ýaqytta da bolady dep senemiz», - dedi Ǵalym Baityq.
Osy rette, otandyq noýtbýkke ie bolǵan stýdentterde qýanyshtarymen bólisti.
«Búgingi qýanyshymda shek joq. Qashyqtan bilim alyp jatqan bizderge noýtbýk aýadai qajet. Jaqsy istiń jarshysy bolyp otyrǵan otandyq zaýyt pen elimizdegi irgeli oqý ornynyń basshylary alǵysymdy bildiremin. Sapaly bilim alyp, keleshekte elimizdiń damýyna eleýli úles qosyp, ustazdarymnyń úmitin aqtaýǵa tyrysamyn», - dedi ýniversitettiń filologiia jáne pedagogika kafedrasynyń 1-shi kýrs stýdenti Vera Nurysheva.
Sonymen birge, zaýyt sybailas jemqorlyqqa qarsy «AntiParaCraft» kvest-oiyny jobasyna da qoldaýǵa bildirip otyr.
Aita keteiik, «AntiParaCraft» kvest-oiyny pilottyq joba bolyp tabylady jáne elimizde alǵash ret engizilýde. Shoqan Ýálihanov atyndaǵy Kókshetaý ýniversiteti osy ideianyń avtory jáne jańashyly bolyp tabylady. Joba QR Sybailas jemqorlyqqa qarsy qyzmeti tarapynan qoldaý taýyp otyr.
