Kókshetaýda qalanyń 195 jyldyq mereitoiyna tartý retinde 280 oryndyq jańa balabaqsha paidalanýǵa berildi, dep habarlaidy "QazAqparat".
Jańadan salynǵan №20-shy «Zerek» balabaqshasynyń paidalanýǵa berilýine bailanysty uiymdastyrylǵan ashyq esik kúnine aimaq basshysy Ermek Marjyqpaev pen qala turǵyndary qatysty.
Jinalǵandar aldynda quttyqtaý sóz sóilegen Ermek Boranbaiuly bul jaqsylyqtyń «Balapan» memlekettik baǵdarlamalar sharapatynyń arqasynda ekendigin aita kele, aldaǵy oqý jyly osynda baratyn búldirshinder men olardyń ata-analaryn qýanyshtarymen quttyqtady.
Jinalǵan qaýym ishke enip, búldirshinderdiń jatqa oqyǵan óleńderi men ásem ánderine qulaq túrdi. Óz kezeginde ata-analar da oblys basshylyǵynyń atyna osynaý qamqorlyqtary úshin sheksiz rizashylyq sezimin bildirdi.
Balabaqsha meńgerýshisi Baný Núpilovanyń aitýynsha, 280 orynǵa shaqtalǵan mektepke deiingi bilim berý mekemesinde 12 top qarastyrylǵan. Munda búldirshinderdiń intellektýaldyq damýyna barlyq jaǵdai jasalǵan. Balabaqsha aqparattyq-kommýnikatsiialyq tehnologiiasy, densaýlyqtyq qorǵaý jáne saýyqtyrý tehnologiiasy, úshtildi, balalardyń ǵylymi-eksperimentaldy jumysy, qosymsha bilim (beineleý óneri, horeografiia) siiaqty bes baǵytta jumys isteidi. Zamanaýi kabinetter, kórkem ádistemeler, tósek-oryndar men ashana. Bulardyń barlyǵy balalardyń jan-jaqty qalyptasýlary úshin arnaiy eseptelgen.
«Búgingi kúni elimizde balalardyń sapaly tálim-tárbie alýy úshin barlyq jaǵdai jasalýda. Osy baǵytta elimizdiń ár óńirinde balbaqshalar men mektepter kóptep salynýda. Ásem qalamyz Kókshetaýdyń 195 jyldyq mereitoiyn merekeleý sheńberinde búgingi esigin aiqara ashyp otyrǵan balabaqsha sonyń bir aiǵaǵy ispettes», deidi balabaqsha meńgerýshisi Baný Núpilova.
