Uly Abai 175 jyldyǵyna orai Kókshetaýdaǵy Abai kóshesiniń boiyndaǵy turǵyn úidiń qas betine aqynnyń alyp sýreti salyndy, dep habarlaidy "Ult aqparat".
Strit-art kompozitsiiasymen árlengen sýrette qolyna qalamy men kitabyn ustaǵan aqyn beinelengen. Sýrette aqynnyń «Áýelde bir sýyq muz – aqyl zerek» óleńiniń «Aqyl, qairat, júrekti birdei usta. Sonda tolyq bolasyń elden bólek» bir shýmaǵy keltirilgen.
Portretti jergilikti «Design city» kompaniiasynyń sýretshileri saldy. Sýret nobaiynyń avtory Kámilá Ábisheva, al ony júzege asyrǵan graffitist Ernur Sársekeev.
Qala turǵyndarynyń aitýynsha, strit-art sýreti qala kelbetine kórik berip qana qoimaidy, ony kórgen adamnyń uly aqynnyń shyǵarmashylyq ónerine qyzyǵýshylyǵan arttyrady.
«Abai kóshesiniń boiyndaǵy turǵyn úidiń qabyrǵasyna aqynnyń sýreti salynǵandyǵy qýantady. Alyp sýretti kórgen adam aqynnyń shyǵarmashylyǵymen birge, elimizdiń tarihyna da kóz júgirtedi dep senemin», - deidi qala turǵyny Gúlnaz Nyǵmetjanova.
