Aqmola politseileri SQO-lyq joǵalǵan muǵalimdi Kókshetaý qalasynyń qaraýsyz qalǵan oryndarynyń birinen belgili turaǵy joq adamdar arasynan tapty, dep habarlaidy "Ult aqparat" oblystyq politsiia departamentiniń baspasóz qyzmetine silteme jasap.
Vedomstvonyń málimetinshe, aqmolalyq politseiler SQO-dan Kókshetaýǵa kelip, joǵalyp ketken 32 jastaǵy muǵalimniń turǵan jerin anyqtady.
«Ol Kókshetaý qalasyndaǵy qaraýsyz qalǵan jerlerdiń birinen tabyldy. Onda ol belgili bir turǵylyqty jeri joq adamdar arasynda túnep shyqty. Er adam bul áreketin túsindirip bere almady. Oǵan qatysty qandai da bir qylmys pen quqyq buzýshylyq jasalmaǵany anyqtaldy», - dep atap ótti vedomstvodan.
Politseiler tek jyl basynan beri Aqmola oblysynda 33 adam joǵalyp ketkenin, onyń 26-sy izdestirilgenin aitty.
Jalpy oblys aýmaǵynda 30 adam izdestirilýde. Buǵan eriktiler men jergilikti turǵyndar jan-jaqty kómek kórsetip otyr.
Eske sala keteiik, 10 mamyr kúni saǵat 17:17 kezinde Kókshetaý qalalyq politsiia basqarmasynyń kezekshi bólimine SQO aýyldarynyń birinen 53 jastaǵy turǵyn habarlasyp, Kókshetaý qalasyna ketken 32 jastaǵy ulyn izdeýge kómek suraǵan bolatyn.
