Qazaqstan Respýblikasynyń Táýelsizdik kúnin merekeleý qarsańynda Aqmola oblysynyń ákimdiginde qoǵam, ǵylymi jáne shyǵarmashylyq intelligentsiianyń qatysýymen Memleket basshysynyń «Bolashaqqa baǵdar: rýhani jańǵyrý» baǵdarlamalyq maqalasy aiasynda jaryq kórgen «Jer jánnaty» fotokitabynyń tusaýkeseri ótti.
«Búginde oblys aýyl sharýashylyǵynyń, indýstriialyq sektordyń jáne týrizmniń turaqty ekonomikalyq ósý úrdisimen Qazaqstannyń negizgi óńirleriniń biri bolyp tabylady. Kitap bizdiń óńirimizdiń damýynyń basty kezeńderi men tarihi igilikterin beineleitin Aqmola oblysynyń jylnamasy dep, — atap ótti oblys ákimi Málik Myrzalin.
Kórkem-sýretti kitap qazaq, orys jáne aǵylshyn tilderinde «Altyn kitap» baspasynan jaryq kórip otyr.
Baspanyń direktory Viacheslav Titenev atap ótkendei, Aqmola oblysy kóp nárselermen maqtana alady. Óńir — respýblikadaǵy biregei, dańqty tarihi ótkenkeni bar, bai tabiǵi resýrstarǵa, qolaily geografiialyq ornalasýy men investitsiialyq klimatqa ie.
Sh. Ýálihanov atyndaǵy Kókshetaý memlekettik ýniversiteti, A. Myrzahmetov atyndaǵy Kókshetaý ýniversiteti, oblystyq kitaphana jáne oblystyq tarihi-ólketaný murajaiy — oblys basshysy biregei entsiklopediialardy tabys etken alǵashqylar boldy. Sondai-aq Málik Keńesbaiuly kitaptyń danalaryn aýdandarǵa, qalalarǵa, JOO jáne Aqmola oblysynyń muraǵat qorlaryna jiberýdi tapsyrdy.
Tusaýkeser sońynda oblys jurtshylyǵy foliant Aqmola oblysy týraly aqparattyń qundy kózine ainalatynyna senim bildirdi.
Aita ketý kerek, biylǵy jyly Aqmola oblysynda birqatar ádebi basylymdar shyǵaryldy: Keńes Odaǵynyń Batyry, jazýshy Málik Ǵabdýllinniń 11 tomdyq shyǵarmalar jinaǵy jáne «Málik Ǵabdýllin — Uly dalanyń maqtanyshy» albom-kitaby, professor Qadyrjan Ábýevtyń «Aqmola oblysynyń tarih jáne mádeniet qairatkerleri» atty bibliografiialyq ocherkteri, jazýshy-pýblitsist Jabal Erǵalievtiń «Álemge! Ǵaryshqa! Bolashaqqa jol ashqan Tuńǵysh!» kitaby Londonda Sáken Júnisovtiń «Zamanai and Amanai» povesi aǵylshyn tilinde jaryqqa shyqty.
