Kókshetaý qalasyndaǵy «Dostar» mádeniet úiinde «Rýhani jańǵyrý» baǵdarlamasyn iske asyrý sheńberinde Aqmola oblysy Ishki saiasat basqarmasynyń tapsyrysymen «Táýelsizdik-jastar júreginde» jas aqyn-jazýshylar forýmy ótti.
Forýmǵa mektep oqýshylary, stýdentter, aqyndar, aityskerler, jazýshylar, bilim salasynyń qyzmetkerleri, qoǵam qairatkerleri, memlekettik mekeme qyzmetkerleri, úkimettik emes uiymdar, BAQ ókilderi men arnaiy qonaqtar qatysty. Jiynǵa jalpy sany 100-den astam adam jinaldy. Qudaiberli Myrzabek, Qorǵanbek Amanjolov, Serikzat Dúisenǵazy, Jarqyn Juparhan syndy ziialy qaýym ókilderi baiandama jasady.
Sonymen qatar, óńirdiń jas aqyn-jazýshylary qazirgi tańda osy salada túiinin tappai otyrǵan máselelerdi kóterip, ózara pikir almasty.
Forým barasynda «Rýhani jańǵyrý» baǵdarlamasyn iske asyrý sheńberinde shyǵarmashyl jastardy qoldaý boiynsha is-sharalar uiymdastyrý» memlekettik áleýmettik tapsyrysy aiasynda, Kókshetaý qalasynyń 195 jyldyǵyna arnalǵan jas aqyndar arasyndaǵy oblystyq avtorlyq óleń-jobalary baiqaýynyń jeńimpazdary marapattaldy.
Baiqaýǵa 20-ǵa jýyq jas aqyn-jazýshylardyń jobalary qatysyp, qazylar alqasynyń sheshimimen jeńimpazdar anyqtaldy.
Atap aitsaq, 3 oryn Sh.Ýálihanov atyndaǵy Kókshetaý memlekettik ýniversitetiniń stýdenti Nurahmet Erdenge buiyrdy. Al 2 orynǵa Sh.Ýálihanov atyndaǵy Kókshetaý memlekettik ýniversitetiniń stýdenti Damir Rústemuly ie boldy. Baiqaý jeńimpazy bolyp Sh.Ýálihanov atyndaǵy Kókshetaý memlekettik ýniversitetiniń stýdenti Dýman Samatuly laiyq dep tabyldy.
Jeńimpazdar arnaiy syilyqtarmen marapattaldy.
