Kókshetaýda túnde jappai tóbelesken jastar ustaldy, dep habarlaidy QazAqparat.
Aqmola oblystyq politsiia departamenti baspasóz qyzmetiniń málimetinshe, tóbeles maýsymnyń 5-de túngi saǵat 05:20 shamasynda oblys ortalyǵyndaǵy oiyn-saýyq mekemesiniń mańynda bolǵan.
Ol Kókshetaý qalalyq politsiia basqarmasy jedel basqarý ortalyǵynyń beinebaqylaý kamerasyna túsip qalǵan.
«Jappai tóbeles týraly málimet dereý búkil avtopatrýlder men politsiiaǵa joldandy. Oqiǵa ornyna jetken tártip saqshylary 34, 29, 26 jáne 25 jas aralyǵyndaǵy alty er adamdy ustady», - dedi vedomstvodan.
Anyqtalǵandai, jastar ózara sózge kelip, keiin janjal jappai tóbeleske ulasqan.
Osyǵan bailanysty Qylmystyq kodekstiń 293-baby 2-bóligi boiynsha sotqa deiingi tergeý sharalary júrip jatyr.
