Kókshetaýda Aqmola oblystyq sotynyń apelliatsiialyq-qylmystyq alqa tóraiymy Janna Berdiqulova óli tabylǵan, - dep habarlaidy kaz.tengrinews.kz oblystyq IID-ge silteme jasap.
Berdiqulovanyń máiiti 13 maýsymda tabylǵan, ólimge sebep qylǵyndyrý bolǵan. Jedel sharalar barysynda kúdikti retinde Kókshetaý qalasynyń 1985 jyly týǵan er adam ustaldy.
"Kúdikti birneshe ret isti bolǵan, sonyń ishinde adam óltirgeni úshin de. Ol úshin 2006 jyly sottalǵan. Qazirgi kezde QR QK-niń 99-baby "Adam óltirý" boiynsha sotqa deiingi tergeý bastaldy", - dep habarlady Aqmola oblysynyń IID ókilderi.
Marqumnyń áriptesteri onyń jaqyndary men tanystaryna kóńil bildirip jatyr. Janna Berdiqulova nebári 46 jasta bolǵan.
"Búgin keremet adamnan aiyryldyq! Basty sóz - adam! Ol tamasha adam, tamasha áiel, otbasynyń súiikti qyzy... "Bolǵan" degen sózdi jazý aýyr eken. Al ol qandai sýdia edi. Ol bizdiń jumysymyzdyń barlyq qyryn tanityn. Ol eńbek jolyn qatardaǵy qyzmetkerden bastady. Ol týraly ótken shaqta jazǵan óte qiyn... Ony jeke tanitynmyn... Ol únemi jas sýdialarǵa kómektesetin, BAQ-qa suhbat berip júrdi.... Al ótken sezde tamasha sóz sóiledi! Ol isti qaraýdy jeńildetý máselesin kótergen! Nebári 46 jasta edi! Óz isine jany ashityn", - dep jazypty Joǵarǵy sot sýdiasy Elena Maksiýta.
Áriptesteriniń málimeti boiynsha, Janna Berdiqulova Almatyda jerlenedi.
