Búgin Aqmola oblysynda qazaq ádebietiniń negizin qalaýshy, kórnekti memleket qairatkeri Sáken Seifýllinniń týǵanyna 125 jyl tolýyna orai «Kerbez Kóksheniń aqiyǵy – Sáken Seifýllin» atty ǵylymi konferentsiia ótti. Is-sharaǵa qatysý úshin Kókshetaýǵa Nur-Sultan, Almaty jáne Qaraǵandy qalalarynan belgili qoǵam qairtakerleri, elimizdiń jetekshi ǵalymdary, sákentanýshylar keldi, - dep habarlaidy Aqmola oblystyq ishki saiasat basqarmasy.
Aqmola oblysynyń ákimi Ermek Marjyqpaev óziniń quttyqtaý sózinde Sáken Seifýllinniń mereitoiyn merekeleý irgeli oqiǵa bolyp tabylatynyn jáne qazaqstandyqtardyń rýhani ómirin arttyrýǵa baǵyttalǵanyn atap ótti. «Sáken Seifýllin - el tarihynda jarqyn iz qaldyrǵan aitýly tulǵa. Onyń ómiri men bai shyǵarmashylyq murasyn zertteý men kópshilikke taratý óte mańyzdy», – dep atap ótti aimaq basshysy.
Oblys ákiminiń bastamasymen Shoqan Ýálihanov atyndaǵy Kókshetaý memlekettik ýniversitetiniń bazasynda Tursynbek Kákishev ortalyǵy ashylady. Tursynbek Kákishev Aqmola oblysynyń týmasy, filologiia ǵylymdarynyń doktory, sákentanýǵa úlken úles qosqan. Sáken týraly Tursynbek Kákishev 16 ǵylymi-zertteý kitabyn jazdy. Qazaq klassikteriniń arasynda Abai men Sáken Seifýllinniń ǵana ómirbaiany tereń zerttelgen. «Tursynbek Kákishev ádebiet týraly ǵylymnyń túrli máselelerimen ainalysty. Al Sáken Seifýllinniń ómirinen alynǵan betterdi zertteý eń aldymen onyń hobbii boldy», - dedi Ál-Farabi atyndaǵy QazUÝ professory, filologiia ǵylymdarynyń doktory Kúlásh Ahmetova.
Sondai-aq, Sáken Seifýllinniń qazaq mádenietin damytýdaǵy róli týraly qoǵam qairatkeri, Sáken Seifýllin qorynyń tóraǵasy Oralbai Ábdikárimov, aqyn jáne jazýshy, Sáken Seifýlinniń týǵan inisiniń nemeresi, aqyn, jazýshy, S. Seifýllin mýzeiiniń direktory Nesipbek Aiytuly, QarMÝ professory, f.ǵ.d. Jandos Smaǵulov, L.N. Gýmilev atyndaǵy EUÝ, f.ǵ.d. Amanjol Áltaev, Sh. Ýálihanov atyndaǵy KMÝ dotsenti Sábit Jambek, teatr sahnasynda jáne derekti filmderde Sáken rólin somdaǵan akter, dramatýrg, Qanat Júnisov aityp ótti.
Sáken Seifýllinniń esimi aqmolalyqtar úshin óte ardaqty. «Kókshetaý» poemasynda ol Býrabaidyń ásem tabiǵatyn jyrlaǵan. Sáken qazaq merzimdi baspasóziniń bastaýynda turdy. Onyń qatysýymen «Tirshilik» gazeti paida bolǵan. Al qazirgi tańda ol gazet «Arqa ajary» ataýymen oblys aýmaǵynda shyǵýyn jalǵastyrýda. Aqmola oblysyn Seifýllinder otbasynyń taǵdyryndaǵy qaiǵyly sátter de ainalyp ótpedi. Kókshetaýda musylman ziratynda onyń uly Aian jerlengen. Aian kishkentai kezinde Sáken Seifýlinniń jubaiy Sáken Gúlbahramnyń qolynda Otan satqyndary áielderiniń Aqmola lagerine baratyn jolda qaitys bolǵan.
Uly aqyn jáne oishyl Sáken Seifýllinniń 125 jyldyǵyna arnalǵan saltanatty jiyn sharasynda Kókshetaýda óńiraralyq «Syr-sandyqty ashyp qara» atty múshaira - aqyndardyń baiqaýy ótedi.
Jarysqa Astana, Petropavl, Pavlodar qalalarynan jáne Aqmola oblysynyń túkpir-túkpirinen kelgen 22 adam qatysady. Olar qazaq poeziiasynyń kórnekti klassikiniń ómiri men shyǵarmashylyǵy týraly óz óleńderin, sondai-aq erkin taqyryptaǵy shyǵarmalardy usynady.
«Sáken Seifýllinniń shyǵarmalarynda jastarǵa qajetti patriottyq negiz qalanǵan. Bul kredo shyǵarmashylyǵy qundy jáne mańyzdy bolyp tabylatyn óz zamanyndaǵy daýylpazdyqtyń ómirlik jolyna qatysty», – dep atap ótti aqyndyq jekpe-jekti uiymdastyrýshylar.
