Aqmola oblysynda eńbekti qorǵaý erejelerin buzý oqiǵasy boiynsha sotqa deiingi tergeý júrgizilip jatyr, dep habarlaidy QazAqparat oblystyq politsiia departamenti baspasóz qyzmetine silteme jasap.
Vedomstvonyń málimetinshe, 30 qarashada Kókshetaý qalasy politsiia basqarmasynyń kezekshi bólimine oblys ortalyǵynyń 34 jastaǵy turǵyny oblystyq aýrýhanaǵa jetkizilgeni týraly habar tústi.
«Er adam «jabyq mi jaraqaty, sol jaqtaǵy 6-shy qabyrǵanyń synýy» diagnozymen aýrýhanaǵa tústi. Jedel-tergeý toby onyń 30 qarasha kúni jańadan salynyp jatqan kóp páterli turǵyn úidiń 5-qabatynan qulaǵanyn anyqtady. Osy jaǵdaiǵa bailanysty Qylmystyq kodekstiń 156-shy babynyń 1-shi bóligi «eńbekti qorǵaý erejelerin buzý» boiynsha sotqa deiingi is júrgizý bastaldy. Tekserý júrgiziledi» - dedi vedomstvodan.
