اقمولا وبلىسىندا ەڭبەكتٸ قورعاۋ ەرەجەلەرٸن بۇزۋ وقيعاسى بويىنشا سوتقا دەيٸنگٸ تەرگەۋ جٷرگٸزٸلٸپ جاتىر, دەپ حابارلايدى قازاقپارات وبلىستىق پوليتسييا دەپارتامەنتٸ باسپاسٶز قىزمەتٸنە سٸلتەمە جاساپ.
ۆەدومستۆونىڭ مەلٸمەتٸنشە, 30 قاراشادا كٶكشەتاۋ قالاسى پوليتسييا باسقارماسىنىڭ كەزەكشٸ بٶلٸمٸنە وبلىس ورتالىعىنىڭ 34 جاستاعى تۇرعىنى وبلىستىق اۋرۋحاناعا جەتكٸزٸلگەنٸ تۋرالى حابار تٷستٸ.
«ەر ادام «جابىق مي جاراقاتى, سول جاقتاعى 6-شى قابىرعانىڭ سىنۋى» دياگنوزىمەن اۋرۋحاناعا تٷستٸ. جەدەل-تەرگەۋ توبى ونىڭ 30 قاراشا كٷنٸ جاڭادان سالىنىپ جاتقان كٶپ پەتەرلٸ تۇرعىن ٷيدٸڭ 5-قاباتىنان قۇلاعانىن انىقتادى. وسى جاعدايعا بايلانىستى قىلمىستىق كودەكستٸڭ 156-شى بابىنىڭ 1-شٸ بٶلٸگٸ «ەڭبەكتٸ قورعاۋ ەرەجەلەرٸن بۇزۋ» بويىنشا سوتقا دەيٸنگٸ ٸس جٷرگٸزۋ باستالدى. تەكسەرۋ جٷرگٸزٸلەدٸ» - دەدٸ ۆەدومستۆودان.
