Kókshetaýda qurylysshy 9-shy qabattan qulap mert boldy. Politsiia qylmystyq is qozǵady, dep habarlaidy QazAqparat.
Aqmola oblystyq PD baspasóz qyzmetiniń málimetinshe, biylǵy qarashanyń 9-da Kókshetaý qalasy politsiia basqarmasynyń kezekshi bólimine jedel meditsinalyq járdem feldsheri telefon arqyly habarlasqan.
Ol qurylys jumysy kezinde 9-qabattan abaisyzda 1966 jylǵy oblys ortalyǵynyń turǵyny qulaǵanyn aitty.
Er adam alǵan dene jaraqatynan kóz jumǵan.
«Biylǵy 10 qarashadaǵy sot-meditsinalyq saraptamanyń qorytyndysyna sáikes ólimge «bastyń defýzdy jaraqaty, bastyń, ishtiń, jambastyń, qol-aiaqtyń úilesimdi jaraqaty, biiktikten qulaý» sebep bolǵan. Bul jaǵdai Qylmystyq kodekstiń 277-shi babynyń 2-shi bóligi (qurylys jumystaryn júrgizý kezinde qaýipsizdik erejelerin buzý) boiynsha sotqa deiingi tergeýlerdiń biryńǵai tizilimine engizilgen», - dedi vedomstvodan.
