كٶكشەتاۋدا قۇرىلىسشى 9-شى قاباتتان قۇلاپ مەرت بولدى. پوليتسييا قىلمىستىق ٸس قوزعادى, دەپ حابارلايدى قازاقپارات.
اقمولا وبلىستىق پد باسپاسٶز قىزمەتٸنٸڭ مەلٸمەتٸنشە, بيىلعى قاراشانىڭ 9-دا كٶكشەتاۋ قالاسى پوليتسييا باسقارماسىنىڭ كەزەكشٸ بٶلٸمٸنە جەدەل مەديتسينالىق جەردەم فەلدشەرٸ تەلەفون ارقىلى حابارلاسقان.
ول قۇرىلىس جۇمىسى كەزٸندە 9-قاباتتان ابايسىزدا 1966 جىلعى وبلىس ورتالىعىنىڭ تۇرعىنى قۇلاعانىن ايتتى.
ەر ادام العان دەنە جاراقاتىنان كٶز جۇمعان.
«بيىلعى 10 قاراشاداعى سوت-مەديتسينالىق ساراپتامانىڭ قورىتىندىسىنا سەيكەس ٶلٸمگە «باستىڭ دەفۋزدى جاراقاتى, باستىڭ, ٸشتٸڭ, جامباستىڭ, قول-اياقتىڭ ٷيلەسٸمدٸ جاراقاتى, بيٸكتٸكتەن قۇلاۋ» سەبەپ بولعان. بۇل جاعداي قىلمىستىق كودەكستٸڭ 277-شٸ بابىنىڭ 2-شٸ بٶلٸگٸ (قۇرىلىس جۇمىستارىن جٷرگٸزۋ كەزٸندە قاۋٸپسٸزدٸك ەرەجەلەرٸن بۇزۋ) بويىنشا سوتقا دەيٸنگٸ تەرگەۋلەردٸڭ بٸرىڭعاي تٸزٸلٸمٸنە ەنگٸزٸلگەن», - دەدٸ ۆەدومستۆودان.
