Kókshetaýda koronavirýs infektsiiasynan qaitys bolǵan Aijan Berkishevanyń otbasyna «Nur Otan» partiiasynyń aralasýymen bir rettik áleýmettik járdemaqy tóleý máselesi sheshildi, dep habarlaidy "Ult aqparat" «Nur Otan» partiiasy Aqmola oblystyq filialynyń baspasóz qyzmetine silteme jasap.
Vedomstvonyń málimetinshe, tamyz aiynyń ortasynda «Nur Otan» partiiasy óńirlik filialynyń qoǵamdyq qabyldaýyna Saǵyndyq Berkishev ótinish bergen. Onda ol áieli Aijannyń koronavirýs infektsiiasynan qaitys bolýyna bailanysty ótemaqy alý máselesin kótergen.
Aijan bastaýysh meditsinalyq-sanitarlyq kómek ortalyǵynda medbike bolyp jumys istegen. Alaida, epidemiiaǵa qarsy sharalarǵa tartylyp, blokposta qaýipti dertti juqtyryp alǵan. Onyń artynda úsh balasy qaldy.
Partiianyń oblystyq filialynyń partiialyq baqylaý komissiiasynyń otyrysynda qosymsha aqshy tóleý, sondai-aq, koronavirýs infektsiiasynan qaitys bolǵan Aijan Berkishevanyń otbasyna ótemaqy tóleý máselesi keńinen talqylandy.
Bir rettik áleýmettik ótemaqy tóleý erjesine sáikes Aijannyń otbasyna bir rettik áleýmettik ótemaqy tóleý boiynsha material Aqmola oblysynyń áleýmettik saqtandyrý memlekettik qorynyń qaraýyna joldanypty.
«Ondaǵylar blokposta turǵan meditsina qyzmetkerleri buiryqtyń erejesine sai kelmeitinin aityp, atalmysh otbasyna ótemaqy tóleýden bas tartqan. Sol sebepti QR Densaýlyq ministrligine resmi saýal joldandy. Onda epidemiiaǵa qarsy sharalar kezinde óziniń fýnktsionaldy mindettin oryndaý kezinde qaitys bolǵandarǵa áleýmettik ótemaqy tóleý týraly erejeni qaita qarap, ózgeris engizý usynyldy», - dedi «Nur Otan» partiiasy Aqmola oblystyq filialynyń baspasóz hatshysy Dinara Dúisen.
Blokposta karantindi qamtamasyz etetin densaýlyq saqtaý qyzmetkerlerin erejege engizý týraly usynys eskerildi. Materialdardy qaraý kezinde Aijan Berkishevanyń otbasyna bir rettik áleýmettik ótemaqy taǵaiyndaldy.
