Kókshetaýda er adam balanyń kózinshe eki adamdy óltirip ketken, - dep habarlaidy Tengrinews.kz Polisia.kz saityna silteme jasap.
Politseilerdiń málimetinshe, qylmys jasalǵan kúni qaskúnem mas kúiinde eki áiel men bala bar úige kelgen. Er adam áielderdi birneshe soqqyǵa jyǵyp, pyshaq suǵyp alǵan.
"Ol páter men kópqabatty úidiń kireberisinde aiaýsyz áreket etken. Marqumdar 37 jáne 68 jasta bolǵan. Qylmys kýágeri - zardap shekkenderdiń biriniń qyzy. Qylmysker kisi óltirgennen keiin qashyp ketken. Qylmys bolǵan oqiǵa ornynda ne bolǵanyn anyqtaýǵa, dálelderdi tolyq jinaýǵa, kýágerlerdi izdeýge ýaqyt qajet boldy, sol ýaqytta ol elden ketip qaldy. Keiinirek onyń eki adamnyń ólimine qatysy bar ekeni dáleldendi. Qylmyskerge halyqaralyq izdeý jariialandy", - delingen habarlamada.
