Kókshetaýda 2 jasqa taiaǵan qyz bala 7-qabattaǵy páterdiń terezesinen qulap mert boldy, dep habarlaidy "Ult aqparat" Aqmola oblystyq politsiia departamentiniń baspasóz qyzmetine silteme jasap.
Vedomstvonyń málimetinshe, qaiǵyly jaǵdai mamyrdyń 14-i kúni keshki saǵat 18:55 shamasynda bolǵan.
Bul týraly Kókshetaý qalalyq politsiia basqarmasynyń kezekshi bólimine jedel járdem feldsheri habarlap aitqan.
«Abylai han kóshesi, 15 mekenjaiynda ornalasqan 9 qabatty turǵyn úidiń jetinshi qabatynan qyz bala qulap ketti. Aldaǵy maýsym aiynda búldirshin 2 jasqa tolatyn edi», - dep aitty QazAqparat tilshisiniń saýalyna Aqmola oblystyq politsiia departamenti baspasóz qyzmetindegiler.
Anyqtalǵandai, búldirshin páterdiń ashyq turǵan terezesinen abaisyzda qulap ketken.
Vedomstvodan atap ótkendei, qazirgi kezde oqiǵanyń mán-jaiy anyqtalyp jatyr.
Qazirgi kezde Qylmystyq kodekstiń 141-baby 2-bóligi boiynsha sotqa deiingi tergeý amaldary júrgizilýde.
