Kókshetaýda eki balanyń anasy 28 jastaǵy áielge izdeý jariialandy, dep habarlaidy QazAqparat tilshisi Aqmola oblystyq Politsiia departamentiniń baspasóz qyzmetine silteme jasap.
Vedomstvonyń málimetinshe, 22 qarashada Kókshetaý qalalyq PB kezekshi bólimine oblys ortalyǵynyń 53 jastaǵy turǵyny habarlasyp, 1993 jylǵy qyzy Ásel Qappasqyzy Ahmedjanovany tabý úshin kómek surady.
Anasynyń sózinshe, qyzy 19 qarashada saǵat 00:00 shamasynda balalaryn úide qaldyryp, ózi belgisiz baǵytta ketip qalǵan.
«Qazirgi kezde izdestirý sharalaryna Kókshetaý qalalyq PB-niń jeke quramy jumyldyryldy. Habar-osharsyz ketken áiel boiynsha tolyq baǵdar Aqmola oblysy PD barlyq bólimshelerine joldandy», - dedi vedomstvodan.
Joǵalǵan áiel, 1993 jyly týǵan, kámeletke tolmaǵan eki balasy bar, nekede turmaidy. Boiy 160-
Osy rette, politsiia qyzmetkerleri joǵalǵan áiel týraly qandaida bir málimeti bar adamdar bolsa, dereý 8(7162) 29-96-00 telefony nemese 102 jelisi boiynsha habarlasýdy suraidy.
