Foto: primeminister.kz
Kókshetaý qalasynyń prokýratýrasy halyqtyń áleýmettik osal toptaryna arnalǵan kóppáterli turǵyn úilerdi jalǵan paidalanýǵa berý faktisin anyqtady, dep habarlady bas prokýratýra.
Bul kóppáterli turǵyn úiler biýdjet qarajaty esebinen turǵyzylǵan.
"2023 jyly Kókshetaý qalasy qurylys bóliminiń burynǵy basshysy obektilerdiń qurylysy is júzinde aiaqtalmaǵan kezde qarajat aýdarý arqyly eki kóppáterli turǵyn úidi (140 páter) paidalanýǵa qabyldaý aktisine qol qoiǵany anyqtaldy", - dep jazylǵan habarlamada.
Zańsyz áreketterdiń saldarynan memleketke 90 mln teńgeden astam shyǵyn keltirilgen.
Atalǵan fakti boiynsha qala prokýratýrasy laýazymdy adam óziniń qyzmet babyn paidalana otyryp jasaǵan, kinálige senip tapsyrylǵan bóten múlikti asa iri mólsherde iemdenip alý nemese talan-tarajǵa salý, iaǵni jymqyrý babymen kózdelgen qylmystyq quqyq buzýshylyq belgileri boiynsha sotqa deiingi tergep-tekserýdi bastady.
