Kókshetaý qalalyq №2 orta mektep litseiiniń 80 oqýshysynyń aýyryp qalý sebebi anyqtaldy, dep habarlaidy "Ult aqparat".
Aqmola oblysy boiynsha taýarlar men kórsetiletin qyzmetterdiń sapasy men qaýipsizdigin baqylaý departamentiniń málimetinshe, balalar ishek infektsiiasy virýsyn juqtyrǵan.
«Tamaqtan ýlaný rastalmady. 80 oqýshynyń barlyǵy sol kúni ashanadan tamaqtanǵan joq. Ata-analarynyń sózinshe, ishek aýrýlarynyń belgileri baiqaldy. Osy rette, aita ketý kerek, qazirgi kez - virýsty juqpanyń maýsymy. Birqatar juqpaly aýrýlar ish ótý, qusý, bas ainalý, júrek ainý túrinde baiqalady. Sonymen qatar, mektep bólmeleri men jertólelerinde ziiandy zattarǵa saraptama júrgizildi. Onyń nátijesi boiynsha ziiandy zattar tabylmady. Qarashanyń 9 jáne 10 kúnderi mektepte dizenfektsiia júrgizilip, súzgi uiymdastyryldy.
Búgingi tańa mekteptiń tamaqtaný blogy ýaqytsha toqtatyldy. Tekseris kezinde birqatar ereje buzylýshylyqtar anyqtaldy. Onyń ishinde bir aspazdyń meditsinalyq tekseristen ótpegeni, tamaqtaný blogy iesiniń meditsinalyq kitapshasy, satyp alynǵan sýsyndar men shyryndardyń sertifikattary bolmaǵan», - dedi departament mamandary.
Jalpy oqýshylardyń jaǵdailary jan-jaqty baqylaýǵa alynǵan. Kún saiyn sabaqqa kelmegen oqýshylarǵa monitoring júrgizilýde. Mektep boiynsha kúnine orta eseppen 2 myńnan astam oqýshynyń 90-ny túrli sebeptermen sabaqta bolmaidy eken.
Aqmola oblystyq balalardyń juqpaly aýrýlar aýrýhanasynyń meńgerýshisi Viktoriia Pichkýnovanyń aitýynsha, qazirgi kezde em alyp jatqan balalardyń jaǵdaiy jaqsy.
«Aýrhanada bolǵan úsh kúnnniń ishinde balalardyń jaǵdaiy jaqsardy. Eshqaisysynyń da qyzýy kóterilip turǵan joq. Tamaqtaryn ishýde, ózderin jaqsy sezinedi. Balalar virýsologiia boiynsha – ishek juqpasy men bakteriialdy juqpanyń barlyq túrine jan - jaqty tekserilýde. Balalardyń juqpaly aýrýlar aýrýhanasyna qalalyq №2 orta mektep litseiinen 14 oqýshy júgindi, qalǵan balalar tekserýden keiin úilerine jiberildi», - dep túsindirdi Viktoriia Pichkýnova
Al, Kókshetaý qalalyq bilim bóliminiń basshysy Beibit Júsipov áleýmettik jelide 250 balanyń ýlanǵany týraly aqparat shyndyqqa janaspaityndyǵyn jetkizdi.
«Ishek virýsy belgileri 80 oqýshyda baiqaldy. Onyń 14 dárigerge júgindi. Qazirgi kezde, 80 oqýshynyń 37 ǵana mektepke barmaidy. Sondyqtan, karantin jariialaýdyń qajeti joq, mektepte sabaq shtattyq rejimde júrgizilýde», - dedi qalalyq bilim bóliminiń basshysy.
Eske sala keteiik, osyǵan deiin habarlaǵanymyzdai, 2019 jylǵy 7 qarashada Kókshetaý qalalyq №2 orta mektep litseiiniń 80 oqýshysy bas aýrýy jáne júrek ainýy shaǵymymen sabaqqa barmaǵan bolatyn.
