Sońǵy úsh aida Kókshetaýda meditsina qyzmetkerleriniń arasynda koronavirýs juqtyrýdyń 80 jaǵdaiy tirkelgen. Bul týraly Kókshetaý qalasynyń bas sanitarlyq dárigeri Qanat Ysqaqov aitty, dep habarlaidy "Ult aqparat".
Bas sanitarlyq dárigerdiń aitýynsha, jeltoqsannyń 3-indegi jaǵdai boiynsha oblys ortalyǵynda koronavirýs infektsiiasy boiynsha zerthanada rastalǵan 2420 jaǵdai tirkelgen.
«Tamyzdyń 1-inen bastap COVID-19 belgili boiynsha 162 pnevmoniia tirkeldi. Jalpy, qazan, qarasha ailarynda Kókshetaý qalasynyń emdeý – aldyn alý uiymdarynda meditsina qyzmetkerleriniń arasynda koronavirýs juqtyrýdyń 80 jaǵdaiy anyqtaldy. Osy boiynsha naqtyly komissiialyq tekserý júrgizilýde», - deidi Qanat Ysqaqov.
Jalpy, qalada aýrýdyń 355 oshaǵy tirkelgen bolsa, onyń 78 úi. 200 naýqas juqpaly aýrýlar statsionarynda em qabyldaýda. 635 adam úiinde dárigerdiń baqylaýyna alynǵan. 15 adamnyń jaǵdaiy aýyr, 3 adamnyń jaǵdaiy óte aýyr. Sonymen birge, koronavirýs infektsiiasy oqýshylar arasynda da tirkelýde.
«Oqý jyly bastalǵannan beri koronavirýs infektsiiasy boiynsha zerthanada rastalǵan oqýshylar arasynda 56 jaǵdai jáne mektep qyzmetkerleri arasynda 22 jaǵdai tirkeldi. Koronavirýs infektsiiasynyń taralýyn boldyrmaý maqsatynda karantindik talaptardyń saqtalýyn qadaǵalaý boiynsha monitoringilik toptar jumys isteýde. Pandemiia kezinde 2763 nysanǵa reidtik tekseris júrgizildi. Onyń ishinde jalpy 37 million somadan astam teńgege 760 ákimshilik aiyppul salyndy», - dep tolyqtyrdy Qanat Ysqaqov.
Aita keteiik, 2020 jyldyń 7 qarashasynan bastap, Kókshetaý qalasynyń karantindik aimaǵy perimetrinde 6 sanitarlyq post ornatyldy. Qarasha aiynda anyqtalǵan 890 jaǵdaidyń 24 – Kókshetaý qalasyna syrttan kelgen (Nur-Sultan-8, SQO - 7 (Aiyrtaý aýdany - 2, Petropavl - 2, Talshyq - 2, Kishkenekól - 1), Qostanai - 3,Almaty - 1, Qaraǵandy - 1, Qyzylorda - 1, Shýche - 1, Atbasar aýdany - 1, Birjan sal aýdany - 1).
