Kókshetaýda politseiler 5 jasar balaǵa qatysty jantúrshigerlik jaitty anyqtady, - dep habarlaidy Tengrinews.kz agenttigi.
5 jasar balaǵa qatysty zorlyq-zombylyq faktisin "Ne molchi" qorynyń jetekshisi Dina Tańsári málimdedi.
"Bala eki jyl boiy ákesi men onyń birge turatyn áielinen zorlyq-zombylyq kórgen, týǵan anasy túrmede. Balany tynyshtandyrý úshin kóilegine bailap, bólmede jalǵyz qamap ustaǵan, basqa balalarmen aralasýyna ruqsat bermegen, otbasynda - toǵyz. Balany durys tamaqtandyrmaǵan jáne sý bermegen, saldarynan balaǵa ártúrli diagnoz qoiylǵan: shóldeý, baýyr tsirrozy, rahit", - dep jazdy Tańsári Instagram-paraqshasynda.
"Derek tirkelip, tekserý barysynda Kókshetaý qalasynyń 37 jastaǵy turǵynynyń birinshi nekeden kámeletke tolmaǵan úsh balasy jáne ekinshi nekesinen kámeletke tolmaǵan tórt balasy bar ekeni anyqtaldy, ol qazir ekinshi áielimen turady.
Ýchaskelik politsiia inspektory múddeli memlekettik organ ókilderimen birge mekenjai boiynsha aralaý júrgizdi. Balanyń jaǵdaiy rastaldy, ata-anasy balanyń densaýlyǵyna bailanysty meditsinalyq kómekke júginbegenderin aitty", - dedi politsiiadaǵylar.
Dál sol kúni bul otbasyna pediatr kelip, tekserýden keiin bala aýrýhanaǵa jiberilgeni atap ótildi.
"Kókshetaý qalalyq PB qorǵanshylyq jáne qamqorshylyq organyna sot-meditsinalyq saraptama júrgizý qajettiligi týraly aqparat joldady. Qazirgi ýaqytta saraptama júrgizilip jatyr. Balaǵa saraptama taǵaiyndaldy, onyń qorytyndysy boiynsha protsessýaldyq sheshim shyǵaryldy", - dep qorytyndylady vedomstvonyń baspasóz qyzmeti ókilderi.
