"Kókshetaýda qonaqúidi jarmaq bolǵan kúdikti ustaldy. Bul týraly oblystyq IID baspasóz qyzmetinen habarlady", - dep jazady "Ult aqparat" QazAqparatqa silteme jasap.
Politseilerdiń málimeti boiynsha, tamyzdyń 24-y kúni qalalyq ishki ister organdaryna belgisiz adam habarlasyp, «Dostyq» qonaqúiine jarylǵysh zat qoiylǵanyn aitqan.
«Atalǵan qonaq úige dereý jetken quqyq qorǵaý organdary men qutqarý qyzmetiniń qyzmetkerleri jáne kinologtar iisshil itpen ǵimarattyń ishi- syrtyn tintip shyǵyp, jarylǵysh zatty tappady.
Keiin araǵa bir saǵat salyp, 24 jastaǵy «jalǵan terrorist» qolǵa tústi. Ol óziniń áreketin mastyqtan osyndai ázil jasamaq boldym túsindirdi.
Qazirgi kezde, jurtty dúrliktirgen «jalǵan terrorist» ýaqytsha ustaý oqshaýlaǵyshyna toǵytylyp, ústinen QR QK 273 baby boiynsha qylmystyq is qozǵaldy», dep kórsetilgen habarlamada.
