Kókshetaýda iz-túzsiz joǵalyp, keiin orman alqabynan óli denesi tabylǵan 13 jasar Á.Haidarovanyń ólimine qatysty qylmystyq is toqtatyldy, dep habarlaidy "Ult aqparat" oblystyq PD baspasóz qyzmetine silteme jasap.
20 tamyzda Kókshetaýdyń irgiesindegi Krasnoiar selosyndaǵy Nurly kósh kentinde 2007 jylǵy Á.Haidarova úiinen shyǵyp qaityp oralmaǵan bolatyn. Artynsha 28 tamyzda jasósipirimniń óli denesi tabylyp, odan zorlyqpen óltirý belgisi anyqtaldy.
Osyǵan bailanysty poltsiia Qylmystyq kodekstiń 99-babynyń 3-bóligi «adam óltirý» boiynsha qylmystyq is qozǵady, keiin Qylmystyq kodekstiń 120-babynyń 4-bóligi «zorlaý» boiynsha qosymsha is qozǵaldy.
Isti tergeý barysynda 10 astam sottyq saraptama júrgizilip, 100 adam túsinikteme alyndy. Zardap shekken men kúdiktiń júrgen joldary boiynsha ornalasqan syrtqy beinebaqylaý kameralaryndaǵy jazbalar, sondai-aq, uialy telefondary zertteldi.
Jedel-tergeý sharalary barysynda kúdikti anyqtalyp, onyń osy qylmysqa qatysy baryn jáne kinásin dáleldeitin anyqtaityn aiǵaqtar tabyldy.
«Qylmystyq is materialdarymen zardap shegýshi jaq ókilderi jáne kúdiktiniń anasy qorǵaýshysymen birge tanysty. Olar quqyq qorǵaý organdary tergeý sharalary kezinde tapqan aiqaqtarǵa qarysy bolǵan joq jáne kúdiktiniń ólimine bailanysty qylmystyq isti toqtatý týraly qabyldanǵan protsessýaldyq sheshimge kelisti», - dedi vedomstvonyń baspasóz qyzmetindegiler.
