Kókshetaýda dárilik preparattardyń zańsyz satylǵany anyqtaldy, dep habarlaidy Aqmola oblystyq Politsiia departamentiniń baspasóz qyzmeti.
Vedomstvodan atap ótkendei, Memleket basshysynyń dári-dármekterdi zańsyz baǵa qosyp satqandardy anyqtap, jaýapqa tartý týraly tapsyrmasyna orai, aqmolalyq politseiler jedel aldyn alý sharasyn bastady.
«6 shildede politsiia qyzmetkerleri Kókshetaý qalasynyń 42 turǵynynyń dárilik prepattardy baǵa qosyp satyp jatqandyǵyn anyqtady. Olardyń arasynda óz úiinde «dárihana» ashyp, túngi ýaqytta preparattardy satýmen ainalysqan er adam bar. Jedel aldyn alý sharasy kezinde kásipker ustalyp, onyń zańǵa qaishy qyzmeti áshkerlendi», - dep atap ótti departamentten.
Ustalǵan adamnyń úiin tintý kezinde aqsha men dárilik preparattar: 30 qorap Ibýfen, 10 qorap Asperin jáne 10 qorap Paratsetamol tabletkalary tárkilendi. Osyǵan bailanysty QR QK-niń 214-baby 1-bóligi (zańsyz kásipkerlikpen ainalysý) boiynsha sotqa deiingi tergeý amaldary qolǵa alyndy. Tergeý sharalary jalǵasýda.
