Kókshetaýda mas kúidegi er adam ishinde iesi uiyqtap jatqan bóten kólikti aidap ketpek bolǵan. Onyń áreketin patrýldik politsiia qyzmetkerleri der kezinde toqtatty, dep habarlaidy ult.kz.
Aqmola oblysy politsiia departamentiniń málimetinshe, Petropavl qalasynyń 26 jastaǵy turǵyny dámhanadan shyqqannan keiin mas kúiinde Changan CS75 Plus markaly avtokóliktiń róline otyrǵan. Sol sátte kólik iesi aldyńǵy jolaýshylar ornynda uiyqtap jatqan.
Kúdikti kólikti nebári 10 metrge jýyq júrgizip úlgergen kezde patrýldik politsiia batalonynyń qyzmetkerleri ony toqtatqan.
Atalǵan derek boiynsha «Urlaý maqsatynsyz avtokólikti nemese ózge de kólik quralyn zańsyz ielený (kólik aidap ketý)» baby boiynsha qylmystyq is qozǵaldy.
Qazirgi ýaqytta oqiǵanyń barlyq mán-jaiy anyqtalyp, sotqa deiingi tergeý júrgizilip jatyr.
