Kókshetaýdaǵy kólik jýý oryndarynyń birinde bolǵan qaiǵyly oqiǵa saldarynan 18 jastaǵy jumysshy toq soǵyp, kóz jumdy. Onyń janynda bolǵan kámeletke tolmaǵan áriptesi jansaqtaý bólimine jetkizildi, dep habarlaidy ult.kz.
Almaty.tv málimeti boiynsha, jumysshylar temir qurylymdy bólshekteý kezinde abaisyzda elektr jelisine tiip ketken. Saldarynan 18 jastaǵy jigit oqiǵa ornynda qaza tapqan.
Zardap shekken jasóspirim shuǵyl túrde aýrýhanaǵa jetkizildi. Dárigerlerdiń aitýynsha, onyń jaǵdaiy turaqty, ómirine qaýip tónip turǵan joq.
«Naýqastyń jaǵdaiy turaqty, ómirine tikelei qaýip joq. Ol birneshe saǵat boiy jansaqtaý bóliminde dárigerlerdiń baqylaýynda boldy. Qazir qajetti meditsinalyq kómektiń barlyǵy kórsetilip jatyr», – dep habarlady Aqmola oblystyq densaýlyq saqtaý basqarmasynyń baspasóz qyzmeti.
Atalǵan fakti boiynsha sotaldy tergeý bastaldy.
