Kókshetaýda metall kóterip júrgen 18 jastaǵy jigitti toq soǵyp, kóz jumdy, dep habarlaidy ult.kz.
Kókshetaýda qaiǵyly oqiǵa saldarynan 18 jastaǵy bozbala elektr togynan qaza tapty. Onyń janynda bolǵan 17 jastaǵy jasóspirim aýrýhanaǵa jetkizildi.
Oqiǵa 22 shilde kúni bolǵan. Aldyn ala málimet boiynsha, eki jas jigit metall konstrýktsiiamen jumys istep jatqan kezde qatty jeldiń áserinen metall joǵary kerneýli elektr jelisine tiip ketken. Sonyń saldarynan ekeýin de elektr togy soqqan.
Aqmola oblystyq densaýlyq saqtaý basqarmasynyń málimetinshe, 22 shildede «103» qyzmetine elektr jaraqaty týraly habarlama túsken.
«Jedel járdem brigadasy oqiǵa ornyna jetken kezde 2008 jyly týǵan jas jigittiń qaitys bolǵany anyqtaldy», – dep habarlady vedomstvodan.
Oqiǵa kezinde birge bolǵan 17 jastaǵy bozbala aýrýhanaǵa jatqyzyldy. Dárigerlerdiń aitýynsha, onyń ómirine qaýip tónip turǵan joq.
