كٶكشەتاۋدا مەتالل كٶتەرٸپ جٷرگەن 18 جاستاعى جٸگٸتتٸ توق سوعىپ, كٶز جۇمدى, دەپ حابارلايدى ult.kz.
كٶكشەتاۋدا قايعىلى وقيعا سالدارىنان 18 جاستاعى بوزبالا ەلەكتر توگىنان قازا تاپتى. ونىڭ جانىندا بولعان 17 جاستاعى جاسٶسپٸرٸم اۋرۋحاناعا جەتكٸزٸلدٸ.
وقيعا 22 شٸلدە كٷنٸ بولعان. الدىن الا مەلٸمەت بويىنشا, ەكٸ جاس جٸگٸت مەتالل كونسترۋكتسييامەن جۇمىس ٸستەپ جاتقان كەزدە قاتتى جەلدٸڭ ەسەرٸنەن مەتالل جوعارى كەرنەۋلٸ ەلەكتر جەلٸسٸنە تيٸپ كەتكەن. سونىڭ سالدارىنان ەكەۋٸن دە ەلەكتر توگى سوققان.
اقمولا وبلىستىق دەنساۋلىق ساقتاۋ باسقارماسىنىڭ مەلٸمەتٸنشە, 22 شٸلدەدە «103» قىزمەتٸنە ەلەكتر جاراقاتى تۋرالى حابارلاما تٷسكەن.
«جەدەل جەردەم بريگاداسى وقيعا ورنىنا جەتكەن كەزدە 2008 جىلى تۋعان جاس جٸگٸتتٸڭ قايتىس بولعانى انىقتالدى», – دەپ حابارلادى ۆەدومستۆودان.
وقيعا كەزٸندە بٸرگە بولعان 17 جاستاعى بوزبالا اۋرۋحاناعا جاتقىزىلدى. دەرٸگەرلەردٸڭ ايتۋىنشا, ونىڭ ٶمٸرٸنە قاۋٸپ تٶنٸپ تۇرعان جوق.
