Qarjylyq monitoring agenttiginiń Aqmola oblysy boiynsha departamenti prokýratýranyń úilestirýimen Kókshetaý qalasynda áleýmettik turǵyn úi qurylysyna bólingen biýdjet qarajatyn jymqyrý faktisi boiynsha tergeý júrgizip jatyr, dep habarlaidy ult.kz.
Tergeý málimetine sáikes, 2021 jyldyń jeltoqsan aiynda Kókshetaý qalasynyń qurylys bólimi men «Aidana-IK» JShS arasynda áleýmettik osal toptarǵa arnalǵan kóppáterli turǵyn úilerdi salýǵa qatysty quny 1 milliard teńgeden asatyn kelisimshart jasalǵan.
Alaida merdiger kompaniia avanstyq tólem alý úshin azamattyq-quqyqtyq jaýapkershilikti saqtandyrýǵa qatysty jalǵan sharttardy usynǵan degen kúdikke ilingen.
Osy qujattardyń negizinde tapsyrys berýshi tarap merdigerge 211 million teńge kóleminde qarajat aýdarǵan. Biraq qurylys jumystary tolyq kólemde oryndalmaǵandyqtan, turǵyn úiler paidalanýǵa berilmegen.
QMA dereginshe, alynǵan biýdjet qarajatynyń bir bóligi jeke qajettilikterge jumsalyp, kontragenttermen esep aiyrysýǵa jáne qolma-qol aqshaǵa ainaldyrylǵan.
Qazirgi ýaqytta kúdikti qamaýǵa alynǵan. Tergeý amaldary jalǵasyp jatyr.
