Aqtaýlyq bloger Azamat Sársenbaev tobynan adasyp qalǵan qos qoqiqazdy úiinde baqqan, dep habarlaidy Kazinform agenttigi.
Bloger qoqiqazdardyń balapanyn Qarajanbas ken orny men Aqtaý portynan tapqan. Ol qustardy úiinde ustap, teńiz ónimderimen asyraǵan.
Azamat áleýmettik jelidegi paraqshasynda Qyzyl kitapqa engen bul qustardy úiinde uzaq ustai almaitynyn, alaida quzyrly oryndardan eshkimniń habarlaspaǵanyn aitqan bolatyn.
Atalǵan jaǵdai boiynsha aýmaqtyq orman sharýashylyǵy inspektsiiasynyń basshysy qustardy ornalastyrý boiynsha shara qabyldanyp jatqanyn jetkizdi.
— Inspektsiia mamandary qoqiqazdardy baryp kórdi. Tiisti akt jasady. Qustardyń jaǵdaiy birqalypty. Jaraqaty joq. Endi Almaty haiýanattar baǵyna tapsyrý jóninde kelisim jasaldy. Búgin qustardy alyp ketedi. Al olarǵa qamqorlyq jasaǵan erikti bul áreketi úshin jaýapkershilikke tartylady degen jalǵan aqparat, - dedi Ǵabbas Dosatov.
