اقتاۋلىق بلوگەر ازامات سەرسەنباەۆ توبىنان اداسىپ قالعان قوس قوقيقازدى ٷيٸندە باققان, دەپ حابارلايدى Kazinform اگەنتتٸگٸ.
بلوگەر قوقيقازداردىڭ بالاپانىن قاراجانباس كەن ورنى مەن اقتاۋ پورتىنان تاپقان. ول قۇستاردى ٷيٸندە ۇستاپ, تەڭٸز ٶنٸمدەرٸمەن اسىراعان.
ازامات ەلەۋمەتتٸك جەلٸدەگٸ پاراقشاسىندا قىزىل كٸتاپقا ەنگەن بۇل قۇستاردى ٷيٸندە ۇزاق ۇستاي المايتىنىن, الايدا قۇزىرلى ورىنداردان ەشكٸمنٸڭ حابارلاسپاعانىن ايتقان بولاتىن.
اتالعان جاعداي بويىنشا اۋماقتىق ورمان شارۋاشىلىعى ينسپەكتسيياسىنىڭ باسشىسى قۇستاردى ورنالاستىرۋ بويىنشا شارا قابىلدانىپ جاتقانىن جەتكٸزدٸ.
— ينسپەكتسييا ماماندارى قوقيقازداردى بارىپ كٶردٸ. تيٸستٸ اكت جاسادى. قۇستاردىڭ جاعدايى بٸرقالىپتى. جاراقاتى جوق. ەندٸ الماتى حايۋاناتتار باعىنا تاپسىرۋ جٶنٸندە كەلٸسٸم جاسالدى. بٷگٸن قۇستاردى الىپ كەتەدٸ. ال ولارعا قامقورلىق جاساعان ەرٸكتٸ بۇل ەرەكەتٸ ٷشٸن جاۋاپكەرشٸلٸككە تارتىلادى دەگەن جالعان اقپارات, - دەدٸ عابباس دوساتوۆ.
