Qoǵamǵa qiynshylyq týdyrmaǵanymyz abzal. Mundai pikirdi jazýshy, kompozitor, Qazaqstan men Qyrǵyzstannyń eńbek sińirgen qairatkeri Ilia Jaqanov bildirdi, dep habarlaidy QazAqparat.
«Álemdi qaltyratyp, kúizelis ákelgen indet keń baitaq Qazaqstan jerin jailap otyrǵan ardaqty jurtymyzdy aýyr jaǵdaiǵa dýshar etti. Osy jyly qanshama adamdardan aiyryldyq. Onyń barlyǵy shyndyq. Sol indettiń ilmegine ilingenderdiń biri men edim. Dárigerlerdiń kúni-túni sabylǵan qiiamet eńbeginiń arqasynda aman qaldyq. Sondyqtan el-jurt saqtyq tanytyp, densaýlyqtyń qadirin sanaly túrde túsinip, qoǵamǵa qiynshylyq týdyrmaǵanymyz abzal. Ásirese, dárigerler usynǵan keńesterdi qaperde ustaý qajet. Basymynan ótkesin onyń aýyrtpashylyǵyn tolyq túsinemin. Qara tobyr bolyp ár jerde bir túkke qajeti joq jinalys ótkizýden aýlaq bolaiyq», - dedi Ilia Jaqanov.
Sonymen qatar, jazýshy indetpen kúres jolyna jumyldyrylǵan dárigerler qaýmyna alǵysyn bildirip, Qazaqstan halqyn Jańa jyl merekesimen quttyqtady.
