Qazaqstan qoǵamdyq tamaqtaný qaýymdastyǵy Aýyl sharýashylyǵy ministrligi ýáde etken qantty arnaiy baǵamen satyp alý protsesiniń keshigip jatqanyn málimdedi, dep habarlaidy QazAqparat.
«2 tamyzda bizdiń qaýymdastyqqa Aýyl sharýashylyǵy vitse-ministri qanttyń arnaiy baǵamen beriletinin málim etti. Oǵan ruqsat ta berdi. Al endi taiaýda Úndi qantyna qatysty qylmystyq is qozǵalǵany belgili boldy. Iaǵni onyń quramynan densaýlyqqa ziian tuzdar tabylypty. Biraq kásipkerler 21 kún boiy aýyl sharýashylyǵy ministrligi ýáde etken baǵamen qant ala almai keledi», - dedi qaýymdastyq ókili Veronika Nurpeiisova elorda kásipkerlerimen kezdesý barysynda.
Bul aqparatty Nur-Sultan qalasy ákimniń orynbasary Erlan Bekmurzaev rastady. Onyń aitýynsha, aýyl sharýashylyǵy vitse-ministri Úndistannan ákelinetin qanttyń bir bóligin berýge ýáde etken. Degenmen qazir Úndi qantynyń quramyna bailanysty eldiń birneshe óńirinde tekseris jumystary júrip jatyr.
«Osyǵan bailanysty Saýda jáne integratsiia ministri Serik Jumanǵarin senbi kúni bizdi jinady. Ministrlikke qosymsha qant satyp alý tapsyryldy. Atap aitqanda, vedomstvo qosymsha kelisimshart jasasqan. Endi atalǵan tekseris jumystarynyń nátijesin kútpei, jańa shart negizinde qant ákelinedi», - dep túsinikteme berdi Erlan Bekmurzaev.
