Saiasattanýshy, Ulttyq qoǵamdyq senim keńesiniń múshesi Erlan Sairov qoǵamdyq talqylaýlar barysynda beibit jinalystar týraly zań jobasy jetildirilgenin aitty, dep habarlaidy QazAqparat.
«Bul zań jobasy bir jarym ai boiy qoǵamda talqylandy. Osy oraida qujattyń bastapqy modeli men qazirgi nusqasyn salystyratyn bolsaq, eleýli ózgerister engizildi. Óitkeni ártúrli azamattardyń, azamattyq qoǵam músheleriniń usynystary arqyly zań jobasy jetildi», - dedi E. Sairov tilshilerge bergen suhbatynda.
Onyń sózine qaraǵanda, qujat jobasyndaǵy normalar liberalizatsiia jaǵyna aýysyp otyr.
«Májiliske túsken kezde zań jobasy halyqtyń múddesi turǵysynan taǵy da ushtala túsedi degen úmittemiz. Negizi, bul qujattyń qabyldanýy bizdiń elimizdegi adamdardyń erkindiginiń jańa modelin alyp kelip otyr», - dep toqtaldy saiasattanýshy.
Bul Ulttyq qoǵamdyq senim keńesinde usynylǵan zań jobasy ekenine toqtalǵan ol «osy oraida Prezident Qasym-Jomart Toqaevtyń saiasi reformalary birinshi paketiniń eń negizgi bóligi dep aitýǵa bolady. Bul - elimizde qoǵamdyq protsesterdi jetildirýde úlken progress», - dedi.
Aita keteiik, búgin Parlament Májilisinde «Qazaqstan Respýblikasynda beibit jiyndardy uiymdastyrý jáne ótkizý tártibi týraly» zań jobasy tanystyryldy.
