ساياساتتانۋشى, ۇلتتىق قوعامدىق سەنٸم كەڭەسٸنٸڭ مٷشەسٸ ەرلان سايروۆ قوعامدىق تالقىلاۋلار بارىسىندا بەيبٸت جينالىستار تۋرالى زاڭ جوباسى جەتٸلدٸرٸلگەنٸن ايتتى, دەپ حابارلايدى قازاقپارات.
«بۇل زاڭ جوباسى بٸر جارىم اي بويى قوعامدا تالقىلاندى. وسى ورايدا قۇجاتتىڭ باستاپقى مودەلٸ مەن قازٸرگٸ نۇسقاسىن سالىستىراتىن بولساق, ەلەۋلٸ ٶزگەرٸستەر ەنگٸزٸلدٸ. ٶيتكەنٸ ەرتٷرلٸ ازاماتتاردىڭ, ازاماتتىق قوعام مٷشەلەرٸنٸڭ ۇسىنىستارى ارقىلى زاڭ جوباسى جەتٸلدٸ», - دەدٸ ە. سايروۆ تٸلشٸلەرگە بەرگەن سۇحباتىندا.
ونىڭ سٶزٸنە قاراعاندا, قۇجات جوباسىنداعى نورمالار ليبەراليزاتسييا جاعىنا اۋىسىپ وتىر.
«مەجٸلٸسكە تٷسكەن كەزدە زاڭ جوباسى حالىقتىڭ مٷددەسٸ تۇرعىسىنان تاعى دا ۇشتالا تٷسەدٸ دەگەن ٷمٸتتەمٸز. نەگٸزٸ, بۇل قۇجاتتىڭ قابىلدانۋى بٸزدٸڭ ەلٸمٸزدەگٸ ادامداردىڭ ەركٸندٸگٸنٸڭ جاڭا مودەلٸن الىپ كەلٸپ وتىر», - دەپ توقتالدى ساياساتتانۋشى.
بۇل ۇلتتىق قوعامدىق سەنٸم كەڭەسٸندە ۇسىنىلعان زاڭ جوباسى ەكەنٸنە توقتالعان ول «وسى ورايدا پرەزيدەنت قاسىم-جومارت توقاەۆتىڭ ساياسي رەفورمالارى بٸرٸنشٸ پاكەتٸنٸڭ ەڭ نەگٸزگٸ بٶلٸگٸ دەپ ايتۋعا بولادى. بۇل - ەلٸمٸزدە قوعامدىق پروتسەستەردٸ جەتٸلدٸرۋدە ٷلكەن پروگرەسس», - دەدٸ.
ايتا كەتەيٸك, بٷگٸن پارلامەنت مەجٸلٸسٸندە «قازاقستان رەسپۋبليكاسىندا بەيبٸت جيىنداردى ۇيىمداستىرۋ جەنە ٶتكٸزۋ تەرتٸبٸ تۋرالى» زاڭ جوباسى تانىستىرىلدى.
