QR Aqparat jáne qoǵamdyq damý vitse-ministri Daniiar Esin «Qoǵamdyq keńester qyzmetiniń máseleleri boiynsha QR-nyń keibir zańnamalyq aktilerine ózgertýler men tolyqtyrýlar engizý týraly» zań jobasynyń negizgi erejelerin tanystyrdy, dep habarlaidy "Ult aqparat".
«Qoǵamdyq keńester konsýltativtik-keńesshi organ sanalatyndyǵyn jáne óz qyzmetin táýelsiz ustanym negizinde júzege asyratyndyǵyn nazarǵa ala otyryp, qoǵamdyq keńesterdi quramyn qurý jergilikti ókiletti atqarýshy organdarǵa, al qoǵamdyq keńesterdiń quramyn bekitý jergilikti organdarǵa berý usynyldy», - dedi dedi vitse-ministr «Nur Otan» partiiasy janyndaǵy Quqyqtyq keńestiń keńeitilgen otyrysynda.
Onyń atap ótýinshe, zań jobasyna sáikes, máslihat ákimdik usynǵan qatysýshylar quramyn qabyldaýǵa nemese qabyldamaýǵa quqyǵy bar.
«Zań jobasynda keńester qyzmetiniń keibir aspektilerin qarjylandyrý týraly sheshim de usynylady. Qoǵamdyq keńes músheleri qoǵamdyq bastamamen qyzmet atqarady. Qoǵamdyq keńes qyzmetine tólem jasaý máselesi sheshilgen. Buǵan qosa, qazirgi ýaqytta qoldanystaǵy laýazymdar tizilimine qoǵamdyq keńes hatshysy laýazymyn engizý jumysy júrgizilip jatyr. Sondai-aq keńse taýarlaryn satyp alýǵa, jergilikti deńgeide qoǵamdyq baqylaý júrgizý úshin kásibi sarapshylar qyzmetine tólem jasaýǵa jáne óńir ishindegi is-saparlar shyǵyndaryna qarajat qarastyrylǵan», - dedi Daniiar Esin.
