Qoǵamdyq baqylaýdy kúsheitý asa mańyzdy. Bul týraly QR Parlamenti Senatynyń depýtaty Lázzat Súleimen aitty, dep habarlaidy "Ult aqparat".
«Joldaýdyń eń basty maqsaty – elimizdi ekonomikalyq, áleýmettik turǵydan damytý jáne koronavirýs indetiniń saldaryn eńserý. Sonymen qatar Prezident ádiletti memleket qurýǵa baǵyttalǵan josparlaryn ortaǵa saldy», - dedi senator.
Onyń aitýynsha, byltyrǵy Joldaýda aitylǵan «Halyq únine qulaq asatyn memleket» tujyrymdamasy biyl da jalǵasyn taýyp otyr.
«Rasymen, azamattardyń memlekettik basqarýǵa aralasýy, bilik pen azamattardyń jaýapkershiligin arttyrý asa mańyzdy jáne osyndai qatynastardy zańdy retteý isine de basymdyq berildi. Prezident Joldaýda memlekette oryn alatyn qoǵamdyq qatynastarǵa qoǵamdyq baqylaýdy kúsheitý qajettigin aitty. Memleket basshysy osy maqsatta qoǵamdyq baqylaý týraly zań qabyldaý týraly usynysyn jetkizdi», - dedi L. Súleimen.
Aita keteiik, 2020 jylǵy 1 qyrkúiekte Memleket basshysy Qasym-Jomart Toqaev Parlament palatalarynyń birlesken otyrysynda Qazaqstan halqyna jyl saiynǵy dástúrli Joldaýyn jariialady.
«Biz memlekettik baqylaýǵa balama retindegi qoǵamdyq baqylaý institýtyn qoldai otyryp, tiisti quqyqtyq negiz qalyptastyrýymyz kerek. Memlekettik organdardyń, kvazimemlekettik sektordyń qoǵam aldyndaǵy ashyqtyǵyn jáne eseptiligin qamtamasyz etýge jol ashatyn «Qoǵamdyq baqylaý týraly» zańdy ázirlep, qabyldaýdy tapsyramyn», - dedi Prezident.
