Sybailas jemqorlyqtyń aldyn alý baǵyty boiynsha ózara is-qimyl sheńberinde taraptardyń bastamasymen Sybailas jemqorlyqqa qarsy is-qimyl agenttigi men Aqparat jáne qoǵamdyq damý ministrligi basshylyǵynyń kezdesýi ótti, dep habarlaidy "Ult aqparat".
Onlain rejiminde Sybailas jemqorlyqqa qarsy qyzmettiń óńirlik departamentteri, Ministrliktiń vedomstvolyq baǵynysty uiymdary, ákimdikterdiń ishki saiasat, qoǵamdyq damý, jastar jáne din máseleleri jónindegi basqarmalary, sondai-aq Qazaqstan halqy Assambleiasynyń filialdary qatysty.
Ministr Aida Balaeva Sybailas jemqorlyqqa qarsy strategiia aiasynda júzege asyrylyp jatqan sharalar vedomstvonyń kún tártibinde basym oryn alatynyn atap ótti. «Ministrlik azamattyq qoǵam institýttaryn sybailas jemqorlyqtyń aldyn alý tetikterine biriktirýdiń mańyzdylyǵyn tolyq túsinedi. Bul olardyń naqty tiimdiligin arttyrýǵa múmkindik beredi», – dep atap ótti ministr.
Aǵymdaǵy jyly AQDM-de kórsetiletin birqatar memlekettik qyzmetter qatary avtomattandyrylǵany aityldy. Al, «qaǵaz balamasynan» tolyqtai bas tartyp, tsifrlyq formatqa kóshý boiynsha jumys ministrliktiń barlyq salalarynda aldaǵy jyly belsendi jalǵasady.
«Adaldyq alańy» jobalyq keńsesiniń qatysýymen ministrlik qyzmetindegi sybailas jemqorlyq táýekelderin anyqtaý jáne joiý boiynsha taldamalyq jumys jedeldetildi, kommertsiialyq emes uiymdarǵa granttyq qarjylandyrý úrdisterin transformatsiialaý júrgizildi.
«Biz ministrliktiń ózinde táýekelderge ishki taldaý júrgizýmen shektelip qalmaimyz. Barlyq vedomstvolyq baǵynysty uiymdarda da osy jumysty júrgizemiz, azamattarmen jáne komplaens-qyzmettermen jumystyń servistik modelin engizýdi jalǵastyramyz. Ministrlik jumysyn túsindirý jáne sybailas jemqorlyq táýekelderi týraly habarlama alý boiynsha halyqqa arnalǵan biryńǵai aqparattyq koll-ortalyq ashý da josparda bar», – dep sendirdi joba jetekshisi Lima Dias.
Ministrliktiń onlain «Bilim bazasyn» qurýdaǵy tájiribesi qyzyǵýshylyq týdyrdy. Onda memlekettik tapsyrys pen granttardy qarjylandyrý sheńberinde ÚEU sońǵy 4 jyl ishinde jasaǵan intellektýaldy ónimderdi: ǵylymi zertteýlerdi, ádistemelik nusqaýlyqtardy, esepteri ashyq qoljetimdilikte ornalastyrylǵan.
Ministrlikte basa nazar memlekettik organdardyń ashyqtyq dárejesin baǵalaýǵa baǵyttalǵan, aqparatqa qol jetkizý salasyndaǵy zańnamany jetildirý boiynsha sharalar pysyqtalýda. «Qoǵamdyq baqylaý týraly», «Onlain-petitsiialar týraly» zań jobalaryna jáne «Qoǵamdyq keńester týraly» zańǵa engiziletin ózgristerdi ázirleýde qoǵamdyq uiymdarmen birlesip atqarǵan jumys erekshe nazar aýdarýǵa turarlyq.
«Ministrlik parasattylyq ideologiiasyn ilgeriletýdegi negizgi áriptes bolýǵa tiis. Qoǵamdyq keńester qyzmeti salasyndaǵy oń zańnamalyq ózgerister, qoǵamdyq baqylaý jáne onlain-petitsiialar jelisi boiynsha novellalar – memlekettik organdar men kvazimemlekettik sektor qyzmetinde, demek, sybailas jemqorlyqtyń aldyn alýda ashyqtyq pen aiqyndyqty arttyrýda serpindi ról atqaratyny sózsiz», – dep atap ótti Sybailas jemqorlyqqa qarsy qyzmet basshysy Alik Shpekbaev.
Spiker sondai-aq, aqparattyq jáne túsindirý jumystarynyń ózektiligin atap ótip, azamattyq qoǵamnyń basty róline nazar aýdardy. «Jastar forýmdar men fleshmobtarǵa qatysýmen shektelmeýi tiis – olardy pármendi is-sharalarǵa tartý qajet. Osyǵan uqsas etno-mádeni ortalyqtar men dástúrli dini birlestikterdiń ókilderi parasattylyq ideologiiasyn taratýǵa jáne dáripteýge naqty qatysýy tiis», – dedi ol.
Shara barysynda Qazaqstannyń Azamattyq Aliansynyń prezidenti Baný Nurǵazieva, «Qazaqstandaǵy parlamentarizmdi damytý qory» qoǵamdyq qorynyń prezidenti Záýresh Battalova, «Qazaqstannyń ekologiialyq uiymdary qaýymdastyǵy» ZTB Basqarma tóraǵasy Aigúl Soloveva, «Qoǵamdyq baqylaý» tobynyń úilestirýshisi Saida Taýkeleva syndy azamattyq belsendiler óz oilarymen bólisti.
Atap aitqanda, Aigúl Soloveva: «Ministrlik basqa memlekettik organdarǵa transparenttiliktiń kórneki úlgisin kórsetýde. Ótken jyly AQDM ministrdiń qatysýymen 40-tan astam túrli onlain-alań ótkizdi, onda kez kelgen niet bildirýshi óz pikirin bildirip, suraq qoia aldy. Bul trendti barlyq memlekettik organdar qoldaýy tiis», – dep atap ótti.
Shara sońynda A. Balaeva Agenttiktiń usynymdary negizinde ministrlik sybailas jemqorlyqqa qarsy mádenietti jáne parasattylyq qaǵidattaryn nyǵaitý boiynsha birlesken joba ázirleitinin jetkizdi.
