Elimizde «Qoǵamdyq baqylaý» týraly zań jobasy jasalý ústinde, dep habarlaidy QazAqparat.
«Qoǵamdyq baqylaý» týraly zań jobasynda aldymen adam men azamattyń quqyǵy, zańdylyq, qaiyrymdylyq jáne azamattardyń qoǵamdyq baqylaý jumysyna belsendi, iaǵni qaitarymsyz qatysý pritsipteri basty nazarda bolmaq. Sondai-aq, ashyqtyq, senimdilik, obektivtilik jáne táýelsiz qoǵamdyq pikir mańyzdy. Sonymen qatar qoǵamdyq baqylaýdyń qoljetimdiligi men aqparattyń ashyqtyǵyna erekshe mán beriledi», - dedi QR Aqparat jáne qoǵamdyq ministrligi azamattyq qoǵam isteri komitetiniń tóraǵasy Madiiar Qojahmetov «AntikorNews» jobasy aiasynda ótken baspasóz máslihatynda.
Onyń aitýynsha, búginde atalǵan zań jobasyn ázirleýge qatysty jan-jaqty jumystar atqarylýda.
«Búginde zań jobasyn ázirleitin jumys toby qurylyp, onyń jol kartasy daiyndaldy. Jumys tobynyń quramynda sarapshylar, qoǵamdyq senim ulttyq keńesiniń músheleri, úkimettik emes uiym jáne memlekettik organ ókilderi bar. Qazirgi ýaqytta bizdiń ministrlik «Qoǵamdyq baqylaý» týraly zań jobasyn túrli deńgeidegi qoǵamdyq ortada talqylaýda. Jáne zań jobasyn 2021 jyldyń maýsym aiyna deiin Memleket basshysyna tanystyrýdy josparlap otyrmyz. Oǵan deiin aldaǵy qarasha aiynda Úkimet janyndaǵy zań jobalary qyzmeti máselelerine arnalǵan vedomstvoaralyq komissiia qaraýyna usynatyn bolamyz», - dedi ol.
