«Qoǵamdyq baqylaý týraly» zań jobasy ázirlendi. Bul týraly Azamattyq qoǵam isteri komitetiniń tóraǵasy Madiiar Qojahmet aitty, dep habarlaidy QazAqparat.
«Memleket basshysy Qazaqstan halqyna Joldaýynda aýyldyq jerlerdegi azamattyq bastamalardy qoldaý tetigin ázirleýdi tapsyrdy. Granttyq qarjylandyrý júiesin aýyldyq qoǵamdyq uiymdardyń suranysyna beiimdeý jáne olardy alý úshin jeńildetilgen rejimdi engizý aýyldaǵy áleýmettik belsendilikke jaqsy serpin beredi. «Qoǵamdyq baqylaý týraly» zań jobasy ázirlendi», - dedi ol Ortalyq kommýnikatsiialar qyzmetindegi baspasóz máslihatynda.
Madiiar Qojahmettiń aitýynsha, atalǵan zań jobasy balamaly memlekettik, qoǵamdyq baqylaý institýtyn engizýdi kózdeidi.
«Zań memleket isterin basqarý protsesterine azamattar men ÚEU-nyń keńinen qatysýyn qamtamasyz etýge múmkindik beredi. Aita ketý kerek, bul quqyqtyq jetildirý qyzmetiniń artynda ártúrli dialog alańdarynda talqydan ótken úlken uiymdastyrýshylyq jáne analitikalyq jumys jatyr», - dedi komitet tóraǵasy.
