Qoǵamdyq baqylaý toby men sanitarlyq-epidemiologiialyq qyzmet ókilderi Esil aýdanyndaǵy Halyqqa qyzmet kórsetý ortalyǵynyń №1 bólimshesinde sanitarlyq talaptardyń saqtalýyna monitoring júrgizdi, dep habarlaidy QazAqparat.
Sanitarlyq-epidemiologiialyq qyzmet ókilderiniń aitýynsha, HQKO №1 bólimshesinde karantin kezinde jumys rejimin buzý baiqalǵan. Iaǵni qyzmetkerler maska taǵý rejimin buzǵan, kelýshiler áleýmettik qashyqtyqty saqtamaǵan. Erejeni buzý faktisin 2020 jyly 14 qazanda saǵat 15:30-da jergilikti politsiia qyzmeti anyqtaǵan. Sodan keiin jergilikti politsiia qyzmeti ákimshilik quqyqbuzýshylyqty Esil aýdany boiynsha taýarlar men qyzmetterdiń sapasy men qaýipsizdigin baqylaý basqarmasynyń qaraýyna jibergen.
Esil aýdany Halyqqa qyzmet kórsetý ortalyǵynyń №1 bólimshesiniń basshysy Nursultan Sadybekov jergilikti politsiia qyzmetiniń barlyq eskertýleri joiylǵanyn aitty.
«Bas memlekettik dárigerdiń qaýlysyna sáikes bizdiń HQKO bólimshesinde monitoring júrip jatyr. Ótken joly buzýshylyqtar ishinara anyqtaldy. Búgin qoǵamdyq baqylaý toby SES ókilderimen birge qandai jumys atqarǵanymyzdy kórdi. Qazir barlyq eskertýler joiyldy. Eki saǵat saiyn bizdiń qyzmetkerler maska aýystyrady, qolǵap kiedi. Turǵyndardan da sanitarlyq normalardy saqtaýdy suraimyz», - dedi ol.
Qoǵamdyq baqylaý tobynyń respýblikalyq úilestirýshisi Saida Táýekeleva qoǵamdyq baqylaýdyń jazalaýshy emes, usynymdyq sipatta ekenin atap ótti.
«Búgin biz mobildi toppen, SES jáne ákimdik ókilderimen birge Esil aýdanynyń HQKO-na kelip túsken ótinishterdi kórýge keldik. Osyǵan bailanysty, buryn tirkelgen eskertpelerdiń qanshalyqty rettelegenin tekserdik. Qazir barlyq kemshilikter joiylyp, normalar saqtalǵanyn kórip otyrmyz. Halyq mundai mekemelerge kelgende ózderin qaýipsiz sezinýi kerek. Al biz óz jaýapkershiligimizdi umytpaýymyz kerek, azamattardy barlyq saqtyq sharalaryn ustanýǵa shaqyramyz», - dedi Saida Táýekeleva.
Esil aýdany boiynsha taýarlar men qyzmetterdiń sapasy men qaýipsizdigin baqylaý basqarmasynyń habarlaýynsha, talaptardy buzǵan eki Halyqqa qyzmet kórsetý ortalyǵyna 15 AEK kóleminde aiyppul salynǵan.
«Búgin biz Halyqqa qyzmet kórsetý ortalyǵynyń №1 bólimshesin Nur-Sultan qalasynyń bas sanitarlyq dárigeriniń qaýlysynda jazylǵan talaptardyń saqtalýy boiynsha – termometriia, maska rejimi, áleýmettik qashyqtyqty saqtaý, eden belgileri jáne antiseptikterdiń bolýyn tekserdik. Esil aýdany boiynsha 425-baptyń birinshi bóligi boiynsha eki ákimshilik quqyqbuzýshylyq qaraldy. Eki HQKO-ǵa árqaisysyna 115 AEK kóleminde aiyppul salyndy. Jergilikti politsiia qyzmeti Ákimshilik quqyqbuzýshylyqty anyqtap, hattama jasady. Qazirgi ýaqytta HQKO-nyń osy bólimshesindegi barlyq buzýshylyqtar joiyldy. Kireberiste bailanyssyz termometriia júrgiziledi, qyzmetkerler maska rejimi men áleýmettik qashyqtyqty saqtaidy. Sanitarlyq toraptarda da antiseptikter bar», - dep atap ótti Esil aýdany taýarlar men qyzmetterdiń sapasy men qaýipsizdigin baqylaý basqarmasy basshysynyń orynbasary Nurbek Qýanyshbekov.
Onyń aitýynsha, kóp jaǵdaida kásipkerlik nysandarynda, mekemelerde maska rejimi saqtalmaidy, jumys rejimi buzylady. Tamyz aiynan bastap búginge deiin Esil aýdany boiynsha 150 nysanǵa 41 mln teńge kóleminde aiyppul salynǵan.
