Premer-Ministrdiń orynbasary Eraly Toǵjanov memlekettik mekemeler biýdjetiniń jumsalýyn onlain rejimde qoǵamdyq baqylaýǵa múmkindik beretin jobamen tanysty. "Ult aqparat" bul týraly agenttiktiń Telegram-arnasyna silteme jasap habarlaidy.
E.Toǵjanov «Halyq únine qulaq asatyn memleket» tujyrymdamasyn iske asyrý aiasynda Sybailas jemqorlyqqa qarsy is-qimyl agenttigi Astana qalalyq departamentine baryp, «Antikor ortalygy» qyzmetimen tanysty.
Ortalyqtyń qyzmeti Sybailas jemqorlyqqa qarsy qyzmettiń qoǵammen ózara árekettesýine jáne halyqpen tiimdi keri bailanysty qamtamasyz etýge arnalǵan alań retinde qurylǵan. Delegatsiia departamenttiń qabyrǵalary áinekten jasalǵan kabinetterin aralap, mundai amaldar transparenttilik pen senimdiliktiń qolaily jaǵdaiyn týdyratynyna nazar aýdardy.
Shara barysynda «Astana – Adaldyq alańy» jobasy aiasynda júzege asyrylyp jatqan bastamalar tanystyryldy. Onyń negizgi maqsaty – turmystyq sybailas jemqorlyqty joiý, memlekettik qyzmetterdi alý kezinde qolaily jaǵdai jasaý jáne qoǵamdyq baqylaý quraldaryn tiimdi iske asyrýdy qamtamasyz etý.
Sondai-aq, memlekettik mekemelerdiń biýdjet qarajatynyń jumsalýyn onlain rejimde qoǵamdyq baqylaý múmkindigin qamtamasyz etetin «Ashyq biýdjetterdiń interaktivti kartasy» jobasy usynyldy.
Departament qyzmetkerleri karantin jaǵdaiynda halyqpen jedel ózara árekettesýge múmkindik bergen «Antikor.Live» tikelei efirleri men brifingteri týraly da aityp ótti.
Sybailas jemqorlyqqa qarsy qyzmettiń aqparattyq-aǵartýshylyq shtabynyń jetekshisi Yrza Tursynzada qoǵamda sybailas jemqorlyqqa qarsy kózqarasty qalyptastyrý, parasattylyq pen adaldyq qaǵidattaryn nasihattaý boiynsha shtabtyń júrgizip jatqan jumysy týraly aqparatpen bólisti.
Kezdesý qorytyndysy boiynsha Eraly Toǵjanov sybailas jemqorlyqqa qarsy vedomstvonyń ashyqtyq pen aiqyndyqty qamtamasyz etýdegi, qoǵammen syndarly yntymaqtastyqtaǵy jumysyna oń baǵa berdi.
Atalǵan tájiribeni túrli aqparattyq alańdarda keńinen taratyp, basqa memlekettik organdardyń jumysyna engizý kerektigin atap ótti.
