Qazaqstannyń qoǵam qairatkerleri 17 tamyzdan bastap elimizde karantin sharalarynyń kezeń-kezeńimen alynyp tastalýyna qoldaý bildirýde, dep habarlaidy QazAqparat.
«Osy ustanymdardy ózim qoldap otyrmyn. Nege deseńizder, ol elimizdegi ár azamatqa, ár adamnyń ómirine bailanysty. Sondyqtan bárimiz sabyrly bolyp, osy sharttardy tolyq ustanaiyq», - dedi QR Kásipodaqtar federatsiiasy tóraǵasynyń orynbasary Nurlan Óteshov «Qazaqstan» telearnasyna bergen suhbatynda.
Al ekonomist-sarapshy Saparbai Jubaev elimizdiń densaýlyq saqtaý júiesi taiaý kúnderi respýblika kásiporyndarynyń jumysyna ruqsat bergen kezde sol múmkindikti múmkindiginshe paidalanyp, barlyq nysannyń úilesimdi qyzmetin qamtamasyz etý qajettigin aitady.
«Sebebi 2019 jylmen salystyrǵanda jalpy ishki ónim óndirisi 1-2 paiyzǵa tómendep otyr. Halqymyz ekonomikamen qatar óz densaýlyqtaryna da erekshe kóńil bólip, memlekettik komissiia sheshimderin buljytpai oryndaý kerek. Sol arqyly halqymyzdyń densaýlyǵyn da, elimizdiń ekonomikasyn da jaqsarta túsemiz», - dedi Saparbai Jubaev.
