2017 jylǵy 27 shilde kúni Ortalyq kommýnikatsiialar qyzmeti alańynda «Qazaqstandaǵy 100 jańa esim – jetistikter tarihy» taqyrybyndaǵy «SarapTime» sarapshylar klýbynyń otyrysy ótti.
Otyrysqa «Biýro 100» bastamashyl tobynyń kóshbasshylary, Qazaqstan halqy Assambleiasynyń ókilderi, sarapshylar jáne jýrnalistik qaýymdastyqtar, úkimettik emes uiymdar, ǵalymdar, qoǵamdyq pikirler men azamattyq qoǵam kóshbasshylary, tanymal blogerler qatysty.
Atalǵan is-shara barysynda qatysýshylar QR Prezidenti N.Á.Nazarbaevtyń «Bolashaqqa baǵdar: qoǵamdyq sanany jańǵyrtý» baǵdarlamalyq maqalasy turǵysynda «Qazaqstannyń 100 jańa tulǵasy» jobasynyń negizgi baǵyttaryn, maqsattaryn, mindetteri men iske asyrý tetikterin talqylady.
«100 jańa esim» jobasy arqyly ózimiz tanymaityn adamdardy bilip jatyrmyz. Jalǵyz Qazaqstannan emes shetelden de ótinishter kelip túsip jatyr. Máselen, jaqynda Berlindegi qazaqtardan usynys kelip tústi. Kópshilik mańyzdy jobaǵa nazaryn bursa degen tilek bildirgimiz keledi», - dedi óz sózinde «Kazkontent» AQ basqarmasynyń tóraǵasy Evgenii Kochetov.
Qazaqstan halqy Assambleiasy baspasóz qyzmetiniń basshysy Qymbat Dosjan: «Árbir tulǵanyń, 100 jańa esimge usynylǵan qairatkerlerdiń eki jaǵy baryn umytpaiyq. Mysaly biz búgingi kúnniń batyry retinde tanyǵan azamattardyń, qoǵamǵa, keler urpaqqa úlgi bolar qandai erlikteri baryn, qandai qyzmetteri baryn naqtylai túsýimiz kerek. Kórshisiniń úsh balasyn órtten qutqarǵan azamatty 100 esimniń biri retinde qosqanymyzben, onyń qalǵan ómiri qalai órbip jatqanynan habarymyz bolmasa, ony qalai 100 esimniń qataryna qosa alamyz? Nemese, Qazaqstan atyn álemniń ózge túkpirinde ulyqtap júrgen azamattarymyz bar. Olardy Qazaqstanda turmaidy dep, 100 esimge kirgizbei tastaýǵa bola ma? Mine osyndai máselelerdiń basyn ashyp alǵan oryndy», - dedi.
