Ereimentaý aýdanyndaǵy Kóbeituz kóliniń balshyǵyn áketpek bolǵan elordalyqtar ákimshilik kodekstiń birden úsh baby boiynsha jaýapqa tartyldy, dep habarlaidy "Ult aqparat" Aqmola oblystyq PD baspasóz qyzmetine silteme jasap.
Vedomstvodan atap ótkendei, Nur-Cultan qalasynyń eki turǵyny, erli-zaiyptylar tyiym salynǵanyna qaramastan dala jolymen blokposty ainalyp ótip Kóbeituz kóline barǵan. Olar kólge baryp qana qoimai, kóldiń balshyǵyn alyp ketpek bolǵan. Ereimentaý aýdandyq politsiia qyzmetkerleri astanalyqtardyń ákimshilik kodeks boiynsha birneshe zań buzýshylyq jasaǵanyn anyqtady.
«Osyǵan bailanysty 58 jastaǵy er adam men onyń áieliniń ústinen QR ÁQbK 364 baby (ortaq sýdy paidalaný erejesin buzý) boiynsha ákimshilik hattama toltyryldy. Sonymen birge, karantin talabyn buzǵandary úshin QR ÁQbK 425 baby (halyqtyń sanitariialyq-epidemiologiialyq salamattylyǵy salasyndaǵy zańnamasynyń talaptaryn, sondai-aq gigienalyq normativterdi buzý) boiynsha jáne QR ÁQbK 139 baby (jer qoinaýyna memlekettik menshik quqyǵyn buzý) boiynsha is materialdary jinalyp, oblystyq taýarlar men kórsetiletin qyzmetterdiń sapasy men qaýipsizdigin baqylaý departamenti, oblystyq ekologiia departamentine joldandy», - deidi vedomstvodan.
Osy rette, tártip saqshylary karantin rejimin buzǵandar jaýapkershilik tartylatyn eskertedi, sondai-aq tabiǵy resýrstarǵa uqyptylyqpen qaraýǵa shaqyrady.
Eske sala keteiik, osyǵan deiin habarlaǵanymyzdai QR Ekologiia ministrligi men BAQ ókilderiniń qatysýymen Kóbeituz kóline uiymdastyrylǵan reid barysynda elordalyq otbasylyq juptyń kóldiń balshyǵyn áketpek bolǵany anyqtalǵan edi.
Sonymen birgen, tamyzdyń 7-de «Feisbýk» áleýmettik jelisin qoldanýshy Qulpash Qońyrova óziniń jeke paraqshasynda osy týraly jariialaǵan bolatyn.
