Klimattyq jaǵdailarǵa bailanysty, biyl elimizdiń Soltústik, Aqtóbe jáne Shyǵys Qazaqstan oblystarynda shalǵyn kóbeleginiń jappai kóbeiý qaýpi ósip otyr. Al memleket aldaǵy bolatyn kóbelekpen kúreske ketetin shyǵynnyń teń jartysyn óteýge daiyn, - dep habarlaidy «Ult aqparat».
Aýyl sharýashylyǵy ministrligi osy ziiandy organizmniń naqty taralý arealyn anyqtaý úshin qajetti fitosanitariialyq tekserýler júrgizip, aldyn ala daiyndyqtyń qamyn jasap otyr.
«Fitosanitariialyq tekserýlerdiń nátijesi boiynsha, búgingi tańda 306,59 myń ga jer zertteldi, jalpy taralý aýdany 16,979 myń ga quraidy, onyń ishinde Aqtóbe oblysynda taralý aýdany 2,892 myń ga quraidy. Ziiankestiń memlekettik qordaǵy jerlerdiń aram shópterinde, sondai-aq dándi jáne maily daqyldar egistikteriniń boiynda taralýy baiqalady», - dedi ministrdiń mindetin atqarýshy Erbol Qarashókeev.
Agroónerkásiptik keshendegi memlekettik inspektsiia komitetiniń tóraǵasy arnaiy tapsyrma alyp, Aqtóbe oblysyna shalǵyn kóbelegine qarsy kúres jáne qorǵaý sharalaryn júrgizý boiynsha, jumystardy uiymdastyrý jáne qajetti basqarýshylyq sheshimder qabyldaý úshin keldi.
«Ózime júktelgen jaýapkershiliktiń salmaqty ekenin sezinemin. Sharýalarymyz ziiankesterden zardap shegý qaýpi týyndap otyrǵanda bizge shuǵyl sheshimder qabyldap, sharýalarǵa qoldaý berý kerek dep esepteimiz. Sondyqtan da men bul óńirge Aýyl sharýashylyǵy ministriniń mindetin atqarýshy Erbol Qarashókeevtiń tapsyrmasy boiynsha kelip otyrmyn. Aqtóbe oblysyna shalǵyn kóbelegine qarsy kúres jáne qorǵaý sharalaryn júrgizetin bolamyz», - dedi Agroónerkásiptik keshendegi memlekettik inspektsiia komitetiniń tóraǵasy A. Mars.
Aita ketý kerek, AÓK damytýdyń 2017-2021 jyldarǵa arnalǵan memlekettik baǵdarlamasy aiasynda, aýyl sharýashylyǵy taýaryn óndirýshiler men biznes ókilderiniń bastamalaryna sáikes, 2020 jyldan bastap shalǵyn kóbelegine qarsy qorǵaý sharalaryn júrgizý jónindegi jaýapkershilik pestitsidter qunynyń shyǵyndaryn 50% - ǵa deiin óteý úshin sýbsidiialar bere otyryp, jergilikti atqarýshy organdardyń quzyretinen, aýyl sharýashylyǵy taýaryn óndirýshilerdiń quziretterine berilgen.
Belgili bolǵanyndai, biyl pestitsidterdi sýbsidiialaýǵa jalpy 32,3 mlrd.teńge, onyń ishinde Aqtóbe oblysyna 545,8 mln. teńge bólingen.
Oblystyq ákimdiktiń habarlaýynsha, tehnikalyq qaita jaraqtandyrý boiynsha investitsiialyq sýbsidiialar berý aiasynda sharýa jáne fermerlik qojalyqtarǵa ósimdikterdi qorǵaý quraldaryn engizý boiynsha búrikkishterdi arzandatý úshin ózdiginen júretin búrký tehnikasy qunynyń 50% - yna deiin sýbsidiialaý kózdelgen.
«Sonymen qatar, traktorlardyń qunyn arzandatylatyn bolady, otandyq óndiris traktorlary boiynsha qunynyń 30% - yna deiin, importtyq óndiris úshin 25% - yna deiin sýbsidiialaý kózdelgen. Qazirgi ýaqytta Aqtóbe oblysynyń ákimdigimen 2,2 myń ga alańda himiialyq óńdeý júrgizýge qarjy bólingen», - dep habarlady Aqtóbe oblysynyń ákimdigi.
Aita keteiik, Qorǵaý is – sharalaryn júrgizý tiimdiligi joǵary búrikkish tehnika-gaz generatorlaryn paidalaný arqyly júzege asyrylady.
Esterińizge sala keteiik, Klimattyq jaǵdailarǵa bailanysty, biyl elimizdiń Soltústik, Aqtóbe jáne Shyǵys Qazaqstan oblystarynda shalǵyn kóbeleginiń jappai kóbeiý qaýpi ósip otyr. Al memleket aldaǵy bolatyn kóbelekpen kúreske ketetin shyǵynnyń teń jartysyn óteýge daiyn. Aýyl sharýashylyǵy ministrligi osy ziiandy organizmniń naqty taralý arealyn anyqtaý úshin qajetti fitosanitariialyq tekserýler júrgizip, aldyn ala daiyndyqtyń qamyn jasap otyr. Ministrdiń aitýynsha, búgingi tańda 306,59 myń ga jer zertteldi, jalpy taralý aýdany 16,979 myń ga quraidy, onyń ishinde Aqtóbe oblysynda taralý aýdany 2,892 myń ga quraidy. Ziiankestiń memlekettik qordaǵy jerlerdiń aram shópterinde, sondai-aq dándi jáne maily daqyldar egistikteriniń boiynda taralýy baiqalady.
