Ońtústik Qazaqstan oblysynda ótken tazalyq aiyndaǵy jumystarǵa 150 myńnan astam adam qatysty. Óńir turǵyndary týǵan jerge degen súiispenshilikterin eldi mekenderinde aǵash otyrǵyzyp, qoqystan tazartý jáne abattandyrý jumystaryn qolǵa alý arqyly kórsetti, dep habarlaidy "Ult aqparat" óńir basshysynyń baspasóz qyzmetine silteme jasap.
Elbasynyń «Bolashaqqa baǵdar: rýhani jańǵyrý» baǵdarlamasyn ispen qoldaǵan Ońtústik Qazaqstan oblysynyń ákimi Janseiit Túimebaev óńirde tazalyq aiyn jariialaǵan bolatyn.
Osy aralyqta aimaqtaǵy barlyq aýdan, qalada senbilikter uiymdastyryldy. Kópqabatty turǵyn úilerdiń aýlalary men balalar oiyn alańshalary, saiabaqtar, aialdamalar, sport alańshalary, kóshe boilary, ózen, kanal boilary men aiaqjoldar, kópirler jáne jeke úi aýmaqtary tazalandy.
Jalpy oblys kóleminde ótken senbilikterge 153 myńǵa jýyq adam qatysyp, 10 myń tonnadan astam qoqys shyǵaryldy. Bul jumystarǵa 892 tehnika jumyldyryldy. Sonymen qatar, ailyq is-sharada 266 myń shaqyrym kóshe boilary men 1270 shaqyrym jaiaý júrginshiler joldary tazartyldy. 521 myń sharshy metrden astam jeke úi irgelik aýlalar men 265 myń sharshy metr bolatyn kópqabatty úidiń qasbetteri jáne 169 myń shaqyrym irrigatsiia júieleri men 314 sharshy metr ózender men kanaldardyń boilaryndap senbilik uiymdastyryldy. Tazalyq sharalary sondai-aq, 1020 gektar saiabaqtar men demalys oryndarynda júrgizildi. 546 dana sport jáne balalar alańshalary retke keltirilip, 60 333 túp aǵash ákteldi. Tazalyq sharalarynda jastar men aýyl-aimaq turǵyndary óz belsendilikterin tanytty.
